ەلوردا اۋەجايىندا پ ت ر تەست تاپسىرۋعا بولادى
«ەندى ەلوردا اۋەجايىنىڭ جولاۋشىلارى مەن قوناقتارى GrinLab تەستىلەۋ ورتالىعىندا پ ت ر جانە ي ف ا ادىستەرى ارقىلى كوروناۆيرۋس COVID-19 ينفەكسياسىنا تەستىلەۋدەن وتە الادى. پ ت ر تەستىلەۋدىڭ قۇنى 9000 تەڭگەدەن باستالادى. سىناما جۇتقىنشاق پەن مۇرىننان الىنادى جانە ناتيجەسى ەلەكتروندى پوشتاعا ورىس نەمەسە اعىلشىن تىلىندە جىبەرىلەدى. ناتيجەنى 12 ساعاتتىڭ ىشىندە الۋعا بولادى»، دەلىنگەن حابارلامادا.
ي ف ا ادىسىمەن انتيدەنەگە ەكسپرەسس تەست جاساتۋ قۇنى - 6500 تەڭگە، زەرتتەۋ كەزىندە IgM جانە IgG سىنىپتارىنىڭ انتيدەنەسىن انىقتاۋ ءۇشىن قىلتامىردان قان الىنادى، ناتيجەسى 15 مينۋتتىڭ ىشىندە دايىن بولادى. انتيگەنگە ەكسپرەسس تەست جاساتۋ قۇنى - 8500 تەڭگە، IgA انتيگەنىن انىقتاۋ ءۇشىن مۇرىن- جۇتقىنشاقتان سىناما الىنادى، ناتيجەسى 15 مينۋتتىڭ ىشىندە ءازىر بولادى. ورتالىق نۇرسۇلتان نازاربايەۆ حالىقارالىق اۋەجايىنىڭ عيماراتى سول قاناتىنىڭ ەكىنشى قاباتىندا، ىشكى رەيستەر تەرمينالىندا ورنالاسقان.
