ا ق ش- تا ساياساتكەرلەر ترامپتى قىزمەتىنەن شەتتەتۋگە شاقىردى

قالادا قاۋىپسىزدىك كۇشەيتىلىپ، كونگرەسس ورنالاسقان كاپيتولي ۇلكەن قابىرعامەن قورشالعان. الايدا تولقۋلاردان كەيىن ەلدەگى ساياسي احۋال كۇردەلەندى. دەموكراتيالىق پارتيا وكىلدەرى كونگرەستەگى تارتىپسىزدەكتەر ءۇشىن پرەزيدەنت دونالد ترامپتى ايىپتاپ، اق ءۇي باسشىسىنا يمپيچمەنت جاريالاۋعا شاقىرىپ جاتىر. وكىلدەر پالاتاسىنىڭ سپيكەرى نەنسي پەلوسي ەلدىڭ ۆيتسە- پرەزيدەنتى مايك پەنستەن كونستيتۋتسيانىڭ 25- بابىنا سۇيەنىپ پرەزيدەنت ترامپتى قىزمەتتەن شەتتەتۋدى ۇسىندى.

ال ا ق ش- تىڭ جاڭا سايلانعان پرەزيدەنتى دجو بايدەن كونگرەستەگى شابۋىلعا ترامپتىڭ ارەكەتتەرى يتەرمەلەگەنىن ايتىپ سىنعا الدى.

دجو بايدەن، ا ق ش- تىڭ جاڭا سايلانعان پرەزيدەنتى:

- كەشە ا ق ش تاريحىنداعى ەڭ اۋىر كۇننىڭ ءبىرى بولدى. ءبىزدىڭ دەموكراتياعا شابۋىل جاسالدى. مۇنداي ارەكەت بۇرىن- سوڭدى بولماعان. بۇل - امەريكانىڭ ەڭ قاسيەتتى ورنىنا شابۋىل. ۆاشينگتوندا بولعان وقيعا جاي نارازىلىق تانىتۋ ەمەس، ناعىز قوقان- لوقى كورسەتۋ، شەكتەن شىعۋشىلىق. عيماراتتى ءبۇلدىرىپ، كۇش قولدانعانداردى شەرۋشىلەر دەپ ايتۋعا كەلمەس.

ەسكە سال كەتەيىك، وتكەن سارسەنبى كۇنى ا ق ش سەناتى مەن وكىلدەر پالاتاسى بىرلەسىپ بىلتىر قاراشا ايىندا وتكەن پرەزيدەنتتىك سايلاۋدىڭ قورىتىندىسىن جاريالاۋ كەرەك ەدى. الايدا قوس پالاتا وكىلدەرى ماسەلەنى تالقىلاۋعا كىرىسكەن كەزدە ترامپ جاقتاستارى كاپيتوليدەگى كونگرەسكە شابۋىل جاساپ، عيماراتقا باسىپ كىردى. پوليتسيامەن قاقتىعىس بولىپ، 4 ادام قازا تاپتى. ونداعان كىسى جارالانىپ، 60 تان استام بۇزاقى قاماۋعا الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى