كاپيتوليگە شابۋىل: ا ق ش- تىڭ بۇرىنعى پرەزيدەنتتەرىنىڭ پىكىرى
وسى وقيعالاردىڭ سالدارىنان 4 ادام كوز جۇمدى، دەپ حابارلايدى قازاقپارات ءتىلشىسى Politico-عا سىلتەمە جاساپ.
باراك وباما كاپيتولييگە شابۋىلدى «ۇلى ارسىزدىق پەن ۇياتسىزدىق» رەتىندە ەل ەسىندە قالاتىنىن مالىمدەدى. ال وزىنەن كەيىنگى پرەزيدەنت دونالد ترامپتى وسى ءۇشىن جاۋاپتى ەكەنىن باسا ايتتى.
«تاريح ءىس باسىنداعى پرەزيدەنتتىڭ يتەرمەلەۋىمەن بولعان كاپيتوليدەگى بۇگىنگى قاتىگەزدىكتى ەستە ساقتاپ قالادى. ول ءبىزدىڭ ۇلت ءۇشىن ايتارلىقتاي ارسىزدىق پەن ۇياتسىزدىق كەزىندە لەگيتيمدى سايلاۋدىڭ ناتجەسى تۋرالى نەگىزسىز وتىرىك ايتۋمەن بولدى»، - دەپ جازدى وباما Twitter- دە.
ول سونىمەن قاتار رەسپۋبليكالىق پارتيا مەن وڭ جۇيەدەگى ب ا ق- تى تاياۋدا وتكەن سايلاۋ ناتيجەلەرىنە كۇمان كەلتىرگەنى ءۇشىن ايىپتادى.
«بۇل جيىركەنىشتى ءارى جانعا باتارلىق جاعداي. سايلاۋدىڭ ناتيجەسىنە بۇلايشا دەموكراتيالىق ەلدەردە ەمەس، باناندى رەسپۋبليكالاردا عانا داۋ ايتادى»، - دەپ جازدى ا ق ش- تىڭ بۇرىنعى پرەزيدەنتى كىشى دجورج بۋش.
كىشى دجورج بۋش سونىمەن قاتار كاپيتوليي عيماراتىنا باسىپ كىرىپ، سوندا بىرنەشە ساعات وتكىزگەن ادامدار «وتىرىك پەن جالعان ءۇمىتتىڭ» جەتەگىندە بولعانىن اتاپ ءوتتى.
«مەن سايلاۋدان كەيىن كەيبىر ساياسي كوشباسشىلاردىڭ البىرت ارەكەتتەرى مەن ءبىزدىڭ داستۇرلەرگە، قۇقىق قورعاۋ ورگاندارىنا دەگەن باسسىزدىققا تاڭعالىپ وتىرمىن»، - دەيدى ا ق ش- تىڭ 43- پرەزيدەنتى. كىشى بۋش سونىمەن بىرگە تاياۋدا وتكەن سايلاۋدىڭ قورىتىندىسىنا كوڭىلى تولمايتىن ازاماتتاردى امەريكالىق دەموكراتيا ءۇشىن وتستاۆكاعا كەتۋگە شاقىردى.
«قازىرگى ساياساتتان گورى مەملەكەتىمىزدىڭ قۇنى جوعارى. حالىق سايلاپ العان لاۋازىمدى تۇلعالار عانا ءوز مىندەتتەمەلەرىن ورىنداپ، بەيبىتشىلىك پەن قاۋىپسىزدىك ءۇشىن ەڭبەك ەتسىن»، - دەدى ول.
ءوز كەزەگىندە ەكس- پرەزيدەنت بيلل كلينتون كاپيتلويدىڭ بىرنەشە بولىگىن باسىپ الۋ ارەكەتىن «ۋلى ساياساتتىڭ» اپاتتى ناتيجەسى جانە تارالعان جالعان اقپاراتتاردىڭ سالدارى دەپ اتادى. ءبىراق ول بۇل وقيعا امەريكا حالقىنىڭ تارتىپكە دەگەن تۇپكىلىكتى سەنىمىنە سەلكەۋ تۇسىرمەگەنىن قوستى. بۇرىنعى پرەزيدەنت دجيممي كارتەر دە بولعان وقيعانى ايىپتاپ، كاپيتولييگە شابۋىلدا «ۇلتتىق تراگەديا» دەپ اتادى.
امەريكانىڭ بۇرىنعى باسشىسى سونىمەن قاتار بۇرىنعى ءبىرىنشى لەدي روزالين كارتەر ەكەۋى زورلىق- زومبىلىق ءۇشىن ۋايىمداپ وتىرعانىن، امەريكالىقتار قاقتىعىستىڭ رەتكە كەلتىرىلۋىن تىلەيتىنىن جەتكىزگەن.
ەسكە سالايىق، سارسەنبى كۇنى ا ق ش كونگرەسى سايلاۋشىلاردىڭ داۋىسىن ەسەپتەپ، 2020 -جىلعى پرەزيدەنت سايلاۋىنىڭ قورىتىندىسىن شىعارۋ ءۇشىن جينالعان بولاتىن. سايلاۋدا دەموكراتتار پارتياسىنىڭ وكىلى دجو بايدەن جەڭىسكە جەتكەن ەدى. الايدا، بۇعان دەيىنگى پرەزيدەنت دونالد ترامپتىڭ جاقتاستارى جاپپاي نارازىلىق اكسياسىن باستاپ، ولاردىڭ ءبىر توبى كونگرەسس عيماراتىنا باسىپ كىردى. ءتۇن جارىمىنا قاراي ا ق ش كونگرەسىن جانە سەناتىن كۇزەتەتىن پوليتسيا ترامپتىڭ جاقتاستارىن كاپيتولي اۋماعىنان تىقسىرىپ شىعاردى. سەنات عيماراتىن ا ق ش ۇلتتىق ۇلانىنىڭ جاساعى كۇزەتۋدە. ۆاشينگتوندا كومەندانتتىق ساعات ەنگىزىلدى.
كەيىن Instagram, Facebook, Twitter جانە Youtube دونالد ترامپتىڭ اككاۋنتىن بلوكقا قويدى. نارازىلىق اكسياسىنان سوڭ ا ق ش كونگرەسى داۋىستاردى سەرتيفيكاتتاۋدى قايتا جالعاستىرىپ، ونىڭ قورىتىندىسىمەن ەل پرەزيدەنتتىگىنە ۇمىتكەر دجو بايدەننىڭ سايلاۋداعى جەڭىسىن رەسمي تۇردە راستادى.
«ا ق ش كونگرەسى بايدەننىڭ جەڭىسىن بەكىتتى. فورمالدى پروتسەدۋرا ۇزاققا سوزىلىپ كەتتى، الايدا بارلىعى ساقتالدى. تاڭەرتەڭ ساعات ءۇش جارىم كەزىندە ۆيتسە- پرەزيدەنت مايك پەنس وتىرىستى جابىق دەپ جاريالادى»، - دەپ جازعان بولاتىن BBC اگەنتتىگى. 78 جاستاعى دجو بايدەن امەريكانىڭ 46- پرەزيدەنتى بولدى. يناۋگۋراتسيا 20-قاڭتارعا جوسپارلانعان.
