تاراز قالاسىنىڭ ەكى تۇرعىنى رەيدەرلىك ارەكەتى ءۇشىن سوتتالدى

كوميتەتتىڭ جامبىل وبلىسى بويىنشا ەكونوميكالىق تەرگەۋ دەپارتامەنتى ەكى تۇرعىنعا قاتىستى زاڭدى تۇلعاعا زاڭسىز باقىلاۋ ورناتۋ (رەيدەرلىك) فاكتىسى بويىنشا قىلمىستىق ءىستى تەرگەدى.

تەرگەۋ بارىسىندا 2004-2011 -جىلدار ارالىعىندا بارلىعى ءۇش كاسىپورىن - «تاراز ينكوم» ج ش س، «يندۋستريالنىي رەسۋرس» ج ش س، «ن ن پ Convergo Nursad» ج ش س قۇرىلىپ، ولارداعى ۇلەس ايىپتالۋشىلار (3 كومپانياداعى ۇلەس : %40، %49، %50) جانە جابىرلەنۋشى تاراپ (3 كومپانياداعى ۇلەسى: %20، %51، %50) اراسىندا تەڭ ەمەس بولىككە بولىنگەندىگى انىقتالدى. «2018-2020 -جىلدارى تاراز قالاسىندا الدىن-الا ءسوز بايلاسا وتىرىپ، ەكى سىبايلاس جوعارىدا اتالعان كاسىپورىندار بويىنشا %100 قاتىسۋشىلاردىڭ جالپى جينالىسىنىڭ رەسمي كۆورۋمىن جاريالاي وتىرىپ، جالپى جينالىستاردىڭ حاتتامالارىن جاسادى، وزدەرى جينالىستىڭ ءتوراعاسى جانە حاتشىسى رەتىندە حاتتاماعا قول قويعان. بۇل رەتتە زارداپ شەككەن تاراپتىڭ ورنىنا دا قول قويعان. جالپى جينالىستىڭ قورىتىندىلارى بويىنشا ايىپتالۋشىلاردىڭ ءبىرىن شوتتار اشۋ، بانك كارتالارىندا جانە قارجىلىق قۇجاتتاردا، كەلىسىمشارتتاردا ءبىرىنشى قول قويۋ قۇقىعىمەن، كاسىپورىنداردىڭ بانك شوتتارىنداعى قاراجاتتاردى يەلىكتەن شىعارۋ قۇقىعىمەن سەرىكتەستىكتەردىڭ ديرەكتورى ەتىپ تاعايىنداۋ تۋرالى شەشىمدەر قابىلدانادى، سونداي-اق ادىلەت ورگاندارىنداعى زاڭدى مەكەنجايلارى وزگەرتىلەدى. وسىلايشا، جابىرلەنۋشى تاراپ كاسىپورىندارداعى قاتىسۋشىنىڭ ۇلەسىنەن ايىرىلدى»، دەلىنگەن حابارلامادا.

تاراز قالاسىنىڭ №2-سوتىنىڭ وكىمىمەن قىلمىستىق كودەكستىڭ 249-بابى، 2-بولىگى، 1-2-تارماعىنا سايكەس ايىپتالۋشى ر. نۇربايەۆ جانە ب. بەكوۆ شارتتى تۇردە 3 جىلعا سوتتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى