جاڭا ەكوكودەكس: زاڭسىز اعاش كەسكەندەرگە جازا قالاي كۇشەيتىلدى
«پاندەميا ىشكى تۋريزمگە سۇرانىستى ارتتىردى. ءبىراق بۇل ازاماتتاردىڭ ەكومادەنيەتىنىڭ تومەندىگىن دە كورسەتكەنىن اتاپ ءوتۋ كەرەك. قازاقستاندا تابيعاتى ەرەكشە جەر كوپ. تابيعي پاركتەر، قورىقتار دەيسىز بە، تۋريستەر كەلگەننەن كەيىن بارلىق جەردە قوقىس جينالادى. ارينە بۇل تابيعاتقا كەرى اسەرىن تيگىزبەي قويمايدى. وعان قوسا، كەيىنگى كەزدە ەلدى مەكەندەردە اعاشتار مەن بۇتالاردى زاڭسىز كەسۋ، جويۋ جانە زاقىمداۋ فاكتىلەرى تىركەلدى»، - دەدى مينيستر بۇگىن و ك ق- دا وتكەن باسپا ءسوز ءماسليحاتىندا.
ونىڭ ايتۋىنشا، مەملەكەت باسشىسىنىڭ تاپسىرماسى بويىنشا مينيسترلىك مۇددەلى مەملەكەتتىك ورگاندارمەن بىرلەسىپ وسى ءتارتىپ بۇزۋشىلىقتار ءۇشىن جازانى كۇشەيتۋگە باعىتتالعان ءبىرقاتار شارا قابىلداعان.
«سونىڭ ناتيجەسىندە قىزىل كىتاپقا ەنگەن اعاشتاردى زاڭسىز كەسكەن، جويعان، زاقىمداعاندارعا 30 ەسە مولشەردە كومپەنساتسيالىق اعاش ەكتىرۋ، سونداي- اق جەكە جانە زاڭدى تۇلعالارعا تيەسىلى نىسانداردىڭ ىرگەلەس اۋماعىنداعى جاسىل جەلەكتى ەكپەلەردى جويعانى ءۇشىن 10 ەسە مولشەردە اعاش ەكتىرۋ كوزدەلەدى. بۇل نورمالار قاعيدالاردا كوزدەلمەگەن ەدى. ودان بولەك، ورمان زاڭناماسىن بۇزۋدان كەلگەن زياننىڭ مولشەرىن ەسەپتەۋ ءۇشىن بازالىق مولشەرلەمەلەرگە وزگەرىستەر ەنگىزۋ بويىنشا جۇمىس جۇرگىزىلدى. قىزىل كىتاپتاعى ءاربىر زاڭسىز كەسىلگەن اعاش ءۇشىن زياندى وتەۋ مولشەرى 6 ا ە ك- تەن 1000 ا ە ك - كە دەيىن ۇلعايتىلدى. بۇدان باسقا، اكىمشىلىك جانە قىلمىستىق كودەكستەرگە سانكسيالاردى قاتاڭداتۋ بويىنشا وزگەرىستەر ەنگىزىلدى»، - دەدى ول.
ورمان - قازاقستاندىقتاردىڭ بايلىعى.
«قازاقستان ورمان القابى از مەملەكەتتەر قاتارىنا جاتادى. ورمان قورىنا جاتاتىن جەرلەردىڭ جالپى كولەمى 30 ميلليون گەكتاردى قۇرايدى. ياعني رەسپۋبليكامىزدىڭ % 11- ىن عانا الىپ جاتىر. 13 ميلليون گەكتار جەردە ورمان وسۋدە. ورماندىلىق كورسەتكىش % 4,8 قۇرايدى. 2030 -جىلعا قاراي ەلدەگى ورمان القابى كولەمىن % 5- عا دەيىن ۇلعايتۋ جوسپارلانۋدا»، - دەدى مينيستر.
ءمينيستردىڭ ايتۋىنشا 5 جىل ىشىندە ورمان القاپتارىندا 2 ميلليارد جانە ەلدى مەكەندەردە 15 ميلليون اعاش ەگىلەدى. بۇل باعىتتا مينيسترلىك وبلىس اكىمدىكتەرىمەن بىرلەسىپ وڭىرلەر بويىنشا اعاش وتىرعىزۋ كولەمدەرىن انىقتاعان. پرەمەر- ءمينيستردىڭ تاپسىرماسى بويىنشا قازىرگى ۋاقىتتا ورماندى القاپتاردى كوبەيتۋ مەن ورمان ءوسىرۋدىڭ كەشەندى جوسپارىن ازىرلەۋ بويىنشا جۇمىستار جۇرگىزىلۋدە.
اۆتور: ايان بەكەن ۇلى
