ارال پروبلەماسى شەشۋ ءۇشىن قانداي شارالار قابىلدانباق

«بۇل وتە كەشەندى پروبلەما. 2002 -جىلدان باستاپ 2008 -جىلعا دەيىن وسى كەشەندى باعدارلامانىڭ العاشقى كەزەڭى ىسكە اسىرىلعان بولاتىن. بىرىنشىدەن، جوبانى ءساتتى جۇزەگە اسىرۋدىڭ ارقاسىندا سۋ ايدىنى 870 شارشى شاقىرىمعا نەمەسە 40 پايىزعا ارتتى، سۋدىڭ مينەرالدانۋ دەڭگەيى تومەندەتىلدى. وسىنىڭ ارقاسىندا ارالدىڭ سولتۇستىگىندە قازىردىڭ وزىندە 20 ءتۇرلى بالىق مەكەندەيدى. البەتتە بۇل جۇمىستى ارى قاراي جالعاستىرۋ كەرەك. جۇمىستى ەكى باعىتتا جۇرگىزەمىز»، - دەدى ماعزۇم مىرزاعاليەۆ.

مينيستر ءوزى اتاعان ەكى باعىتقا كەڭىنەن توقتالدى. «بىرىنشىدەن، سۋ ايدىنىن قانشالىقتى كەڭەيتۋگە بولاتىنى جونىندە ماسەلە تەرەڭىنەن زەرتتەلەدى. بۇل جۇمىستى ءبىز دۇنيەجۇزىلىك بانكپەن بىرگە باستاپ كەتتىك. ەكولوگيالىق پروبلەمانى شەشۋدىڭ ەكىنشى اكپەكتى - ارال تەڭىزىنىڭ قۇرعاپ قالعان بولىگىنە اعاش ەگۋ. كەيىنگى جىلدارى ول ورىندارداعى 270 مىڭ گەكتار اۋماققا سەكسەۋىل ەگىلگەنىن اتاپ ءوتۋ كەرەك. بالكىم، بۇل شارۋا تۇزدانۋ جانە قۇمدانۋ پروتسەسىنە قارسى كۇرەسۋدىڭ ءبىر جولى بولسا كەرەك»، - دەدى ول.

ماعزۇم مىرزاعاليەۆ الداعى بەس جىلدا مەملەكەت باسشىسىنىڭ تاپسىرماسىمەن ورمان قورىنا 2 ميلليارد ءتۇپ اعاش ەگىلەتىنىن ەسكە سالدى. «وسى جۇمىستىڭ اياسىندا ارالدىڭ قۇرعاپ قالعان اۋماعىنا 160 مىڭ گەكتار جەرىنە سەكسەۋىل ەگىلەدى»، - دەدى ول.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى