اقتوبەلىك ەرىكتىلەر بالىقتاردى قۇتقارۋ ءۇشىن ەرەكشە ارەكەتكە باردى

اقتوبە وبلىسىنداعى سازدى سۋ قويماسىندا وتكەن جىلى سۋ قورى از بولدى. قازىرگى ۋاقىتتا مۇز قالىڭداپ، بالىقتارعا اۋا جەتپەي جاتىر. الاڭداعان اقتوبەلىك ەرىكتىلەر باس قوسىپ، بۇگىن بۇرعىلاۋ جۇمىسىن جۇرگىزدى.

«تاياۋدا ماعان تابيعات جاناشىرى حابارلاستى. سازدى سۋ قويماسىندا بالىق قىرىلىپ جاتىر ەكەن. ءبىز جان- جاققا حابارلاسىپ، ەرىكتىلەردى جينادىق. بۇگىن سازدى سۋ قويماسىنا 20 عا جۋىق ادام كەلىپ، بۇرعىلاۋ جۇمىسىن جۇرگىزدى. بىردەن جاعىمسىز ءيىس شىقتى. تاۋتان بالىعى تابىلدى. دەمەك سۋ استىندا اۋا جەتپەي جاتىر. ءبىز ويىققا قامىس سالىپ، بالىقتىڭ ءومىر ءسۇرۋى ءۇشىن بار جاعدايدى جاسادىق. بىرەر كۇننەن سوڭ تاعى جينالىپ، ءبىر شارشى مەترلىك ءتورتبۇرىش ويىق جاسايمىز. بۇل دا ۇلكەن كومەك»، - دەدى «اكتوبە، دىشي» ەرىكتىلەر توبىنىڭ جەتەكشىسى، ەكوامباسسادور ەۆگەني لاراچۋك.

سونىمەن بىرگە ەرىكتىلەر جينالعان كەزدە سازدى سۋ قويماسىن جالعا الۋشى، ينسپەكتورلار مەن قورىقشىلار كومەككە باردى. بارلىعى 70 كە جۋىق ويىق ويىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى