كوممۋنالشىلارعا جاعداي جاساۋ جۇمىستارى جالعاسادى - التاي كولگىنوۆ

بۇل تۋرالى ەلوردا اكىمى التاي كولگىنوۆ ءوز ينستاگرام پاراقشاسىندا جازدى، دەپ حابارلايدى قازاقپارات.

«بۇل جىل بارىمىزگە وڭاي بولمادى. ءبىزدىڭ كوممۋنالشىلار تۇرعىندارعا جايلى بولۋى ءۇشىن قالانى تازا ۇستاۋعا اۋا رايىنا قاراماستان كۇن سايىن ەڭبەكتەنەدى. ەگەر وتكەن جىلى كوممۋنالدىق قىزمەت اۆتوپاركىنىڭ (استانا تازالىق پەن استانا زەلەنستروي) ارنايى تەحنيكا مەن جابدىعى 165-تەن اسا بىرلىككە كوبەيسە، بيىل تاعى 125 بىرلىك ارنايى تەحنيكا مەن 100-دەن اسا قوسىمشا جابدىق ساتىپ الىندى. وتكەن جىلدان بەرى جالاقى مەن سىياقى كولەمى ارتتى. كەلەسى جىلى دا كوممۋنالشىلارىمىزدىڭ ەڭبەگىن قولداپ، ولارعا جاعداي جاساۋ بويىنشا جۇمىس جۇرگىزۋدى جالعاستىرامىز.

ت ج رەجيمى كەزىندە ءبىزدىڭ جۇرگىزۋشىلەر دە الدىڭعى شەپتە بولدى. ولار ءبىزدىڭ مەديتسينالىق قىزمەتكەرلەردى، الەۋمەتتىك جۇمىسشىلاردى تاسىدى. كارانتين سيفروۆيزاتسيا سالاسىن دامىتۋدى جالعاستىرۋ كەرەك ەكەنىن كورسەتتى. اۆتوبۋستارعا % 100 ۆاليداتورلار ورناتۋدىڭ ارقاسىندا، جۇرگىزۋشى مەن جولاۋشىنىڭ بايلانىسىن تومەندەتۋ ءۇشىن، تولەماقى جاساۋدا قولما- قول ەسەپتەسۋ الىنىپ تاستالدى. بۇدان بولەك، پارك جىل باسىنان بەرى 100 ەلەكترلى اۆتوبۋسپەن تولىقتى. ولاردى پايدالانۋ ەكولوگيالىق (اتموسفەراعا زياندى قالدىقتار بولمەيدى) جانە ۇنەمدىك جاعىنان ءتيىمدى. ەكولوگيانىڭ ماڭىزىن ەسكەرە وتىرىپ، جەكە ينۆەستيتسيا ەسەبىنەن اۆتوپاركتى جاڭارتۋ كوزدەلىپ وتىر. بۇل رەتتە اۆتوپارك تاعى 100 ەلەكترواۆتوبۋسپەن تولىعادى»، - دەپ اتاپ وتكەن التاي كولگىنوۆ ءوز جازباسىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى