بۇگىن «شەت ەلدەردە تۇرىپ جاتقان وتانداستارىمىزدى قولداۋ جونىندەگى مەملەكەتتىك باعدارلاما» بەكىتىلگەن كۇن
الەم ازەربايجاندارىنىڭ ىنتىماقتاستىق كۇنى بۇل اتاۋلى كۇندى العاش رەت 1991 -جىلعى 16 جەلتوقساندا ازەربايجان حالقىنىڭ كوشباسشىسى گەيدار اليەۆ جاريالاعان بولاتىن. سودان كەيىن بۇل كۇن ازەربايجان حالقىنىڭ ۇلتتىق مەيرامى بولىپ قالدى.
ەستە قالار وقيعالار
1943 -جىلى پاۆلوداردا قۇرمانعازى اتىنداعى مۋزىكالىق مەكتەپ اشىلدى. مۇندا سوعىس جىلدارى فاشيستەر باسىپ العان قالالاردان كوشىرىلگەن ادامدار ساباق بەردى. سول كەزدە جەڭىسكە جەتۋگە ءالى ءبىر جارىم جىل ۋاقىت بار ەدى، قالانى اشتىق پەن سۋىق جالمادى، الايدا قالا تۇرعىندارى جەڭىستەن ءۇمىت ۇزبەي، ءوز بالالارىن مۋزىكانى وقىتۋعا بەردى.
1994 -جىلى اكادەميك زەينوللا قابدولوۆقا «قازاقستاننىڭ حالىق جازۋشىسى» قۇرمەتتى اتاعى بەرىلدى.
1994 -جىلى ءانشى ماقپال ءجۇنىسوۆاعا «قازاقستاننىڭ حالىق ءارتىسى» قۇرمەتتى اتاعى بەرىلدى.
1996 -جىلى ەلباسى ن. ءا. نازاربايەۆتىڭ جارلىعىمەن «شەت ەلدەردە تۇرىپ جاتقان وتانداستارىمىزدى قولداۋ جونىندەگى مەملەكەتتىك باعدارلاما» بەكىتىلدى.
2004 -جىلى الماتىدا قازاقستاننىڭ تاريحى، مادەنيەتى جانە ونەرى تۋرالى «World Discovery Kazakhstan» جۋرنالىنىڭ ءبىرىنشى سانى جارىق كوردى. جاڭا جۋرنالدا تاريح، مادەنيەت، قازىرگى قازاقستان قوعامى تۋرالى ءتۇرلى تاقىرىپتار قوزعالدى.
2013 -جىلى ەۋروپالىق بيزنەس اسسامبلەياسى مەن الەمنىڭ 54 ەلىنىڭ عالىمدارىن ۇسىناتىن ەۋروپا رەكتورلارىنىڭ كلۋبى «الەمدىك عىلىمعا قوسقان ۇلەسى» ءۇشىن وردەنىمەن «عىلىمداعى ەسىم» قۇرمەتتى اتاعىن العان «قازاقستان عارىش ساپارى» ۇ ك» ا ق پرەزيدەنتىنىڭ مىندەتىن اتقارۋشى، تەحنيكالىق عىلىمدار دوكتورى مارات ءنۇرعوجيندى ماراپاتتادى. قازاقستاندىق عالىمنىڭ ەسىمى XXI عاسىردىڭ كورنەكتى عالىمدارىنىڭ حالىقارالىق تىزىمىنە جازىلدى.
2014 -جىلى قوعامنىڭ ءتۇرلى الەۋمەتتىك ماڭىزدى سالالارىن جارىققا شىعارۋعا ۇلەس قوسقانى ءۇشىن جۋرناليست، «قازاقپارات» ح ا ا الماتى تىلشىلەر بيۋروسىنىڭ باسشىسى سارا مۇستافيناعا «بەس قارۋ» زاڭدى تۇلعالار بىرلەستىگى التىن مەدال تابىستادى.
