ەرالى توعجانوۆ مەديتسينالىق اپپارات شىعاراتىن كاسىپورىندى ارالادى
قازاقستاندىق كاسىپورىندا وكپە اۋرۋلارىن جانە وكپە اۋرۋلارىنىڭ اسقىنۋىن ەمدەۋگە ارنالعان VibroLUNG بىرەگەي ۆيبرواكۋستيكالىق اپپاراتى شىعارىلادى. بۇل قۇرىلعى رەسپيراتورلىق پاتولوگياسى اسقىنعان ناۋقاستاردىڭ تەزىرەك ساۋىعۋىنا مۇمكىندىك بەرەدى.
بيىل جاز ايلارىندا COVID-19-دىڭ ءورشۋى كەزىندە بۇل كاسىپورىن اۋرۋحانالارعا 200-دەن استام ۆيبرواكۋستيكالىق اپپارات جەتكىزگەن بولاتىن. قۇرىلعى وتاندىق مامانداردىڭ بىرەگەي ازىرلەمەسى، ول رەانيماتسياداعى، اسىرەسە، ءو ج ج- عا قوسىلعان ناۋقاستار ءۇشىن اسا قاجەت.
VibroLUNG- پەن قاتار، وتاندىق كونسترۋكتورلار جاساعان ءو ج ج جانە ترانسپۋلمونالدى قىسىم مونيتورلارىنىڭ ۇلگىلەرى كورسەتىلدى. ۆيتسە- پرەمەردىڭ ساپارى بارىسىندا اتالعان كاسىپورىننىڭ قازاقستاندىق مەديتسينا مەكەمەلەرىنىڭ قاجەتتىلىگىن قاناعاتتاندىرۋ ءۇشىن ءوندىرىس كولەمىن ۇلعايتۋ مۇمكىندىگىن راستايتىن وندىرىستىك الەۋەتى كورسەتىلدى. ارالاۋ قورىتىندىسى بويىنشا ە. توعجانوۆ كاسىپورىنداردىڭ جۇمىسىنا وڭ باعا بەرىپ، ۇكىمەت وتاندىق وندىرۋشىلەردى جان- جاقتى قولدايتىنىن اتاپ ءوتتى.
