قازاقستاندا جەر قاتىناستارى تۋرالى زاڭعا تۇزەتۋلەر ەنگىزىلەدى
«مەملەكەت باسشىسىنىڭ اۋىل شارۋاشىلىعى جەرلەرىن ءتيىمدى پايدالانۋ تۋرالى تاپسىرماسىن ورىنداۋ ءۇشىن ق ر اۋىل شارۋاشىلىعى مينيسترلىگى پايدالانىلمايتىن جەرلەرگە سالىق مولشەرلەمەسىن 20 ەسە ارتتىردى. سالىق مولشەرلەمەسىن كوتەرۋدى كوزدەيتىن زاڭ 10-جەلتوقساندا قابىلداندى. بۇل پايدالانىلمايتىن اۋىل شارۋاشىلىعى جەرلەرىنەن ءوز ەركىمەن ەكونوميكالىق تۇرعىدا باس تارتۋدى كوزدەيدى»، - دەدى جەر رەسۋرستارىن باسقارۋ كوميتەتىنىڭ باسشىسى.
سونىمەن قاتار، بيىل ا ش م «جىلجىمايتىن مۇلىكتىڭ ءبىرىڭعاي مەملەكەتتىك كاداسترى شەڭبەرىندە مەملەكەتتىك قىزمەتتەردى سيفرلاندىرۋ ماسەلەلەرى بويىنشا ق ر كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەدى.
ول جەر زاڭناماسىن جەتىلدىرۋگە، جەر ۋچاسكەلەرىن بەرۋ ءتارتىبىنىڭ راسىمدەرىن جەڭىلدەتۋگە، جەر قاتىناستارى سالاسىنداعى قىزمەتتەردى سيفرلاندىرۋ ارقىلى حالىقتىڭ مەملەكەتپەن ءوزارا ءىس- قيمىلىن قىسقارتۋعا باعىتتالعان. قۇجات ق ر پارلامەنتى ماجىلىسىنە ەنگىزىلدى. كوميتەت قوسىمشا پايدالانىلمايتىن اۋىل شارۋاشىلىعى جەرلەرىن تەكسەرۋ كەزەڭىن جانە قايتارىپ الۋ مەرزىمىن 2 جىلدان 1 جىلعا دەيىن قىسقارتۋدى كوزدەيتىن زاڭ جوباسىن ازىرلەدى.
