الماتىلىق پوليتسەيلەر ءوز ءومىرىن ولىمگە قيماق بولعان ەر ادامدى قۇتقاردى
الماتىلىق پوليتسەيلەر WhatsApp مەسسەنجەرىنە كەلگەن حابارلاما ارقىلى سۋيتسيدتىڭ الدىن الدى. پاتەرلەردىڭ بىرىندە سۋيتسيد تۋرالى حابارلاما ۋچاسكەلىك ينسپەكتورعا كەلىپ تۇسكەن. الاتاۋ اۋداندىق پوليتسيا باسقارماسىنىڭ باستىعى ءىلياس ومىرسەرىكوۆتىڭ ايتۋىنشا، حابارلامانى وزىنە قول سالماق بولعان ادام جىبەرگەن. حابارلامادا كورسەتىلگەن مەكەنجاي بويىنشا دەرەۋ جەتكەن قىزمەتكەرلەرگە پاتەردىڭ ەسىگىن ەشكىم اشپاعان. ۋچاسكەلىك ينسپەكتورلار پاتەرگە تەرەزەدەن كىرۋگە ءماجبۇر بولدى. ەر ادام ارقاننان ىلمەك جاساپ، وزىنە قول جۇمساماق بولعان. ونىمەن اڭگىمەلەسۋ بارىسىندا ينسپەكتورلار دەپرەسسيالىق كوڭىل- كۇيدى جانە دەنساۋلىعىنىڭ سىر بەرگەنىن بايقادى. وقيعا ورنىنا دارىگەرلەر شاقىرىلدى، ولار ەر ادامدى ودان ءارى تەكسەرۋ ءۇشىن الىپ كەتتى.
«سوندىقتان ۋچاسكەلىك پوليتسەيلەردىڭ تەلەفون نومىرلەرىن ءبىلۋ وتە ماڭىزدى. مەنىڭ Facebook جەلىسىندەگى پاراقشامدا پايدالانۋشىلار ءبىزدىڭ اۋداننىڭ ۋچاسكەلىك پوليتسيا ينسپەكتورلارىنىڭ بارلىق بايلانىس دەرەكتەرىن كورە الادى. ازاماتتار كەز كەلگەن ۋاقىتتا ولاردان كومەك سۇراي الادى»، - دەيدى الاتاۋ اۋداندىق پوليتسيا باسقارماسىنىڭ باستىعى ءىلياس ومىرسەرىكوۆ.
