اتىراۋلىق جۇرگىزۋشى شاناداعى بويجەتكەندى كولىگىنە تىركەپ سۇيرەگەن
اتىراۋ قالالىق پوليتسيا باسقارماسى جەدەل باسقارۋ ورتالىعىنىڭ قىزمەتكەرلەرى بۇگىن ساعات 01:07 شاماسىندا ورتالىق كوپىر تۇسىندا شانا سۇيرەگەن كولىكتى بايقاعان. وقيعا ورنىنا پاترۋلدىك پوليتسيا قىزمەتكەرلەرى جىبەرىلدى.
«پاترۋلدىك پوليتسيا تەكسەرۋى كەزىندە 22 جاستاعى ازاماتشا وتىرعان شانانى تىركەپ، سۇيرەپ جۇرگەن «Hyundai Tucson» ماركالى كولىكتى توقتاتقان. كولىكتى باسقارعان 20 جاستاعى جۇرگىزۋشىگە قاتىستى ق ر اكىمشىلىك قۇقىقبۇزۋشىلىق كودەكسىنىڭ 595-بابى 1-بولىمىمەن (جول ءجۇرىسى قاعيداسىن بۇزعانى) اكىمشىلىك حاتتاما تولتىرلىپ، 13890 تەڭگە كولەمىندە ايىپپۇل سالىندى»، - دەپ حابارلادى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
