جالاقى بەرەشەگى: ەڭبەك ينسپەكتورىنىڭ ۇيعارىمى سوت ورىنداۋشىنىڭ بۇيرىعىنا تەڭەستىرىلدى
بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ تولىعىراق ايتىپ بەردى، دەپ حابارلايدى قازاقپارات ءتىلشىسى.
«ەڭبەك» مەملەكەتتىك باعدارلاماسىنا 621 مىڭنان استام ادام قاتىسۋدا «جالپى، وسى جىل بويى ەڭبەك ينسپەكتورلارى 4,2 ميلليارد تەڭگە كولەمىندە انىقتالعان جالاقى قارىزدارىن وتەي ءبىلدى. قابىلدانعان شارالاردىڭ ناتيجەسىندە 31 مىڭنان استام جۇمىسكەردىڭ قۇقىعى قورعالدى. جالاقى بەرەشەگىن ۋاقتىلى وتەۋدى كۇشەيتۋ ماقساتىندا بيىل زاڭنامالىق تۇردە مەملەكەتتىك ەڭبەك ينسپەكتورىنىڭ جۇمىس بەرۋشىگە بەرەتىن ۇيعارىمىنىڭ مارتەبەسى سوت ورىنداۋشىنىڭ بۇيرىعىنا تەڭەستىرىلدى. بۇل جالاقى قارىزدارى ءۇشىن جۇمىس بەرۋشىلەرگە قوسىمشا ەسەپشوتتارمەن مۇلىككە تىيىم سالۋ، ەلدەن شىعۋعا شەكتەۋ شارالارىن قولدانۋعا مۇمكىندىك بەرەدى»، - دەدى ءبىرجان نۇرىمبەتوۆ ۇكىمەت وتىرىسىندا.
سونىمەن قاتار ەڭبەك ەانە حالىقتى الەۋمەتتىك قورعاۋ مينيسترلىگى اكىمدىكتەرمەن بىرگە ەڭبەك تاۋەكەلى كارتاسى اياسىندا جۇمىسشىلاردىڭ جۇمىستان بوساتىلۋ قاۋپى بويىنشا اپتا سايىن مونيتورينگ جۇرگىزۋدە.
وسى جىل باستالعالى 1200 كاسىپورىندا 15700 ادام جۇمىس ۋاقىتىن يكەمدى رەجيمگە اۋىستىرعان.
«ءوز كەزەگىندە جۇمىس ورىندارىن ساقتاۋ باعىتىندا ۇكىمەت تاراپىنان شۇعىل شارالار قابىلداندى. كارانتين كەزىندە تابىسىنىڭ جوعالتۋىنا بايلانىستى ازاماتتارعا ەڭ تومەنگى جالاقى مولشەرىندەگى الەۋمەتتىك تولەم بەرىلدى»، - دەدى مينيستر.
