تاعى ەكى ەلدە كوروناۆيرۋستىڭ جاڭا شتامى انىقتالدى

اگەنتتىكتىڭ حابارلاۋىنشا، دۇيسەنبى كۇنى وڭتۇستىك كورەيانىڭ دەنساۋلىق ساقتاۋ ورگاندارى كوروناۆيرۋستىڭ جاڭا شتامىن جۇقتىرۋدىڭ العاشقى جاعدايلارىن راستادى. ۇلى بريتانيادان كەلگەن ءۇش ادامنان ۆيرۋستىڭ «بريتاندىق» شتامى انىقتالعان. وسى ەلدەن ۇشۋعا تىيىم سالۋدى جىل سوڭىنا دەيىن تاعى ءبىر اپتاعا ۇزارتۋ تۋرالى شەشىم قابىلداندى.

كورەيانىڭ اۋرۋدى باقىلاۋ جانە الدىن الۋ اگەنتتىگى (KDCA) اتالعان ءۇش ادامنىڭ ءبىر وتباسى مۇشەلەرى ەكەنىن حابارلادى. وسى وتباسىمەن وڭتۇستىك كورەياعا بىرگە ۇشىپ كەلگەن بارلىق جولاۋشى مەن ۇشاق ەكيپاجى جاڭا شتامدى جۇقتىرعان-جۇقتىرماعانىن انىقتاۋ ءۇشىن قايتا تەستىلەۋدەن وتەدى. Reuters اگەنتتىگىنىڭ حابارلاۋىنشا، يندونەزيا كوروناۆيرۋستىڭ جاڭا جۇقپالى شتاممىنىڭ تارالۋىن توقتاتۋ ءۇشىن بارلىق شەتەلدىككە ەكى اپتاعا كىرۋگە تىيىم سالادى. بۇل تۋرالى دۇيسەنبىدە ەلدىڭ سىرتقى ىستەر ءمينيسترى رەتنو مارسۋدي حابارلادى.

بريتاندىق زەرتتەۋلەر كورسەتكەندەي، كوروناۆيرۋستىڭ جاڭا شتامى ەسكى نۇسقاعا قاراعاندا 70 پايىزعا جۇقپالى بولۋى مۇمكىن. جاڭا نۇسقا العاش رەت قىركۇيەكتىڭ ورتاسىندا ۇلىبريتانيا استاناسى - لوندوندا پايدا بولدى دەپ بولجانۋدا. جاڭا شتامم ءبىرقاتار ەلدە، اتاپ ايتقاندا اۋستراليا، دانيا، گەرمانيا، يتاليا، يسپانيا، كانادا، نيدەرلاند، شۆەيتساريا، فرانسيا جانە جاپونيادا انىقتالعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى