زەينەتكەر جانە قانداس كۋالىكتەرى ەندى ەلوكتروندىق قوسىمشادا قولجەتىمدى
«ەڭبەك رەسۋرستارىن دامىتۋ ورتالىعى» ا ق جانە ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ «ۇلتتىق اقپاراتتىق تەحنولوگيالار» ا ق- مەن بىرلەسىپ، «سيفرلىق قازاقستان» مەملەكەتتىك باعدارلاماسى شەڭبەرىندە سيفرلىق قۇجاتتار جيىنتىعىن كەڭەيتۋ بويىنشا جۇمىس جۇرگىزدى. ەندى eGovMobile قوسىمشاسىندا زەينەتكەر كۋالىگى مەن قانداس كۋالىگى قولجەتىمدى. سەرۆيس وزىمەن بىرگە قۇجاتتىڭ ءتۇپنۇسقاسى جوق ادامدارعا پايدالى بولادى. كۋالىك يەسى (زەينەتكەر نەمەسە قانداس) ونى تالاپ ەتكەن جەرى بويىنشا ۇسىنا نەمەسە تەلەفونداعى مەسسەندجەرلەر ارقىلى ءوزىنىڭ ەلەكتروندىق قۇجاتىن كورسەتە الادى.
سونىمەن قاتار، سيفرلىق قۇجاتتاردا QR- كود ارقىلى اشۋ مۇمكىندىگى بار، بۇل قۇجاتتى سۇراعان تاراپقا ونىڭ ءتۇپنۇسقالىعىن تەكسەرۋگە كومەكتەسەدى.
«قازىر قازاقستان تۇرعىندارىنىڭ كوپشىلىگى قالتاداعى سمارتفونسىز ءومىردى ەلەستەتە المايدى، سوندىقتان سيفرلىق قۇجاتتاردى پايدالانۋ ىڭعايلى، ويتكەنى سمارتفوندى ءاردايىم دەرلىك وزىمىزبەن بىرگە الىپ جۇرەمىز. وزىڭىزبەن بىرگە قاعاز قۇجاتتاردى الىپ ءجۇرۋدىڭ قاجەتى جوق. بۇل سەرۆيس ەلەكتروندىق ۇكىمەت ارقىلى تەكسەرىلگەن»، - دەپ اتاپ ءوتتى ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەربول وسپانوۆ.
بۇگىنگى كۇنى سەرۆيستە كەلەسى قۇجاتتار دا بار: جەكە كۋالىك، نەكەنى تىركەۋ تۋرالى كۋالىك، ءبىلىمى تۋرالى ديپلوم، بالانىڭ تۋۋ تۋرالى كۋالىگى، ستۋدەنتتىك بيلەت جانە ت. ب.
«سونداي-اق، جىل سوڭىنا دەيىن ازاماتتىڭ الەۋمەتتىك مارتەبەسىن كورسەتەتىن الەۋمەتتىك ID ءبىرىڭعاي سيفرلىق قۇجاتىن ىسكە اسىرۋ جوسپارلانۋدا. جاقىن ارادا كوپبالالى وتباسىلارعا بەرىلەتىن جاردەماقى جانە اتاۋلى الەۋمەتتىك كومەك الۋشىلاردىڭ قۇجاتتارى جانە باسقالارى سيفرلىق فورماتقا كوشىرىلەدى. ۋاقىت وتە كەلە ءبىز قۇجاتتاردىڭ قاعاز نۇسقالارىنان مۇلدەم قاجەت بولمايدى»، - دەپ تولىقتىردى ەربول وسپانوۆ.
