گولوۆكين مەن كانەلو اراسىنداعى ءۇشىنشى جەكپە-جەكتىڭ قاشان وتەتىنى بەلگىلى بولدى
بۇل - DAZN- مەن ەكى جەكپە-جەك تۋرالى كەلىسىم اياسىنداعى ايقاس بولىپ تابىلادى، دەپ حابارلايدى قازاقپارات Sports.kz سايتىنا سىلتەمە جاساپ.
«DAZN- مەن ەكى جەكپە-جەك تۋرالى كەلىسىم بويىنشا ءبىرىنشى ايقاستا «كانەلو» WBA/WBC نۇسقالارى بويىنشا سۋپەرورتا سالماقتا WBC جەلىسى بويىنشا مىندەتتى ۇمىتكەر اۆني يىلدىرىمعا قارسى شىعادى. DAZN- مەن كەلىسىمشارت اياسىندا ەكىنشى جەكپە-جەك ءۇشىن «كانەلو» جۇدىرىقتاسۋعا شىعاتىن ءۇش قارسىلاس بار: بيللي دجو سوندەرس، كالەب پلانت، گەننادي گولوۆكين»، - دەپ جازادى اۆتور.
ەسكە سالا كەتسەك، مەكسيكالىق بوكسشى ساۋل «كانەلو» الۆارەس ءوزى كىممەن جەكپە-جەككە شىعۋدى قالايتىنى تۋرالى جاۋاپ بەرگەن.
بوكسشى وزىنە ۇسىنىلعان قارسىلاستار - گولوۆكين جانە مەيۆەزەردىڭ اراسىنان ەكىنشىسىن تاڭدادى. گەننادي گولوۆكين 19- جەلتوقساندا گولليۆۋدتا جەكپە-جەك وتكىزدى. وندا قازاقستاندىق بوكسشى پولشا سپورتشىسى كاميل شەرەمەتانى جەڭىپ، ورتا سالماقتا تيتۋلدىق بەلدىكتى قورعاۋ سانى جاعىنان رەكورد ورناتتى.
