وليمپيادا جۇلدەگەرى ۇرلانعان جىلقىلارىن تاپقان پوليتسەيلەرگە العىس ايتتى

ەركىن كۇرەستەن قازاقستاندىق بالۋان، لوندونداعى وليمپيادا ويىندارىنىڭ جۇلدەگەرى، ازيا چەمپيونى، حالىقارالىق تۋرنيرلەردىڭ جەڭىمپازى اقجۇرەك تاڭاتاروۆ جامبىل وبلىسىنىڭ پوليتسەيلەرىنە جىلقىلارىنىڭ ۇرلانۋ دەرەگىن جەدەل تۇردە اشقانى ءۇشىن بەينەجازبا ارقىلى العىسىن ءبىلدىردى. ايتا كەتسەك، بۇعان دەيىن اقجۇرەك تاڭاتاروۆ پوليتسياعا بەلگىسىز تۇلعالاردىڭ تۇرار رىسقۇلوۆ اۋدانى اۋماعىنداعى جايىلىمنان 26 باس جىلقىسىنىڭ ۇرلانعانى تۋرالى ارىزدانعان بولاتىن.

«اتالعان دەرەككە قاتىستى ق ر ق ك 188-1-بابى 4-بولىگى (مال ۇرلىعى) بويىنشا سوتقا دەيىنگى تەرگەۋ باستالدى. جەدەل- ىزدەستىرۋ ءىس- شارالارىن جۇرگىزۋ بارىسىندا تۇرار رىسقۇلوۆ اۋدانىنىڭ پوليتسەيلەرى مال ۇرلاعانى ءۇشىن بۇرىن ەكى رەت سوتتى بولعان جارلىسۋ اۋىلىنىڭ 31 جاستاعى تۇرعىنىن ۇستادى. ۇرلانعان جىلقىلار يەسىنە قايتارىلدى»، - دەلىنگەن وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

اۆتور: سايا سەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى