قار كوشكىنى: ش ق و- دا تۇرعىندارعا قاۋىپ توندىرەتىن ۋچاسكەلەر انىقتالدى
«قازسەلدەنقورعاۋ» فيليالىنىڭ باقىلاۋشىلارى جۇرگىزگەن مونيتورينگ ناتيجەسىندە قار كوشكىنى قاۋپى بار ۋچاسكەلەردە 70 سانتيمەتردەي قار جينالعانى بەلگىلى بولدى. سوعان وراي دەپارتامەنت وكىلدەرى وبلىستىق ماڭىزى بار تاسجولداردا كوشكىننىڭ الدىن الۋ بويىنشا ءتيىستى شارالاردى قولعا الدى. «بيىلعى قىس كەزىندە «وسكەمەن- تاۋلى ءۇلبى- سيەۆەرنوە»، «وسكەمەن- التاي»، «وسكەمەن- سامار» تاسجولدارىندا قار كوشكىنى ءتۇسىرىلدى. جۇرگىزىلگەن 10 جارىلىستىڭ ناتيجەسىندە 4470 تەكشە مەتر قار تۇسىرىلگەن. بۇگىندە شىعىس قازاقستاندا قار كوشكىنى قاۋپى بار ۋچاسكەلەر سانى - 497. ولاردىڭ 336-سى وبەكتىلەر مەن تۇرعىندارعا قاۋىپ توندىرەدى»، - دەيدى «قازسەلدەنقورعاۋ» ش ق فيليالىنىڭ ديرەكتورى ومار دۇزعىمبايەۆ.
ونىڭ ايتۋىنشا، قىس كەزەڭىندە قار كوشكىنى بويىنشا تاۋلىك بويى مونيتورينگ جۇرگىزىلەدى. ش ق و تجد ماماندارى تۇرعىندارعا قار جاۋعاننان كەيىن 3-5 تاۋلىك ىشىندە تاۋعا بارۋدان باس تارتۋعا كەڭەس بەرەدى.
«كوشكىن قاۋپى بار ۋچاسكەدەن اۆتوموبيلمەن ءوتىپ بارا جاتساڭىز توقتاماڭىز. اسا قاجەتتىلىك بولماعان جاعدايدا، تاۋعا بارۋدان اۋلاق بولىڭىز. ەگەر سىزگە قۇتقارۋشىلاردىڭ كومەگى قاجەت بولسا 112 نومىرىنە حابارلاسا الاسىز»، - دەپ حابارلادى ش ق و ت ج د.
