كوكشەتاۋدا العاش رەت كومەي وبىرىنا كۇردەلى وتا جاسالدى
ناقتىراق ايتقاندا، توراكالدى بولىمشەنىڭ دارىگەرلەرى كومەي وبىرىن جويۋدى ءساتتى ورىندادى، دەپ حابارلايدى قازاقپارات ءتىلشىسى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە، باس جانە مويىن ىسىكتەرىنىڭ كوپشىلىگى جەرگىلىكتى جەردە، اۋرۋ ساتىسىندا انىقتالادى. ناۋقاستا قالقانشا بەزىنىڭ وڭ جاق بولىگىنە تارالعان، تولىق ستەنوزى بار، كەڭ تارالعان كومەيدىڭ قاتەرلى ىسىگى انىقتالدى. وسىدان ناۋقاستا وبتۋراتسيالىق تىنىس جەتىسپەۋشىلىگى پايدا بولدى.
«ناۋقاس بۇرىن تۇتىك ارقىلى دەم العان، ءبىراق بۇل ۋاقىتشا امال بولدى. ويتكەنى، ول ۇنەمى برونحتىڭ قۇپياسىمەن بىتەلىپ قالادى (ۇيدە تۇتىككە كۇتىم جاساۋ قيىن). دارىگەر كومەيگە ەكستيرپاتسيا جاساۋدى شەشتى. بۇل كەڭەيتىلگەن وپەراتسيا وبلىس جاعدايىندا العاش رەت ورىندالدى. بۇعان دەيىن كومەي ىسىكتەرى بار ناۋقاستار نۇر- سۇلتان، الماتى جانە تاعى باسقا ونكولوگيالىق ورتالىقتارعا جىبەرىلىپ كەلدى»، - دەدى ۆەدومستۆودان. قازىرگى كەزدە ناۋقاستىڭ جاعدايى قاناعاتتانارلىق جانە تۇراقتى.
