پەتروپاۆلدا سىرعاناقتا كوز جۇمعان ايەل قايىڭ اعاشىنا سوعىلعان
قايعىلى وقيعا 17 جەلتوقسان كۇنى بوركي كەنتىندە بولعان. بيىكتەن قاتتى جىلدامدىقپەن سىرعاناپ كەلە جاتقان ول قايىڭ اعاشىنا سوعىلعان. بىردەن كوپسالالى اۋرۋحاناعا جەتكىزىلدى. وكىنىشكە قاراي، جانساقتاۋ بولىمىندە سول كۇيى ەسىن جيمادى. قازىر بۇل فاكتىگە قاتىستى قىلمىستىق ءىس قوزعالدى.
بۇگىنگى كۇنى پەتروپاۆلدا سىرعاناق سالۋ ءۇشىن ءتورت ارنايى ورىن بەكىتىلدى. نىسانداردىڭ قۇرىلىسى جاقىن كۇندەرى باستالادى. الايدا بۇل جەرلەردە قاۋىپسىزدىك ەرەجەلەرى قانشالىقتى قاداعالاناتىنى بەلگىسىز. دەمالۋعا كەلگەن ءار ادام دەنساۋلىعىنا ءوزى جاۋاپتى بولادى.
گۇلنار قاليەۆا، وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى:
- اۋىر جاراقاتپەن ءتۇستى. باس سۇيەگىنەن جاراقات العان. دارىگەرلەر ەكى وتا جاسادى. جان ساقتاۋ بولىمىندە ءبىر اپتادان ۋاقىت جاتتى. كومادا بولدى. دارىگەرلەر قانشاما رەت تىرىسقانمەن بولمادى.
قىمبات مىرزاعۇلوۆا، وبلىستىق پ د تەرگەۋ باسقارماسىنىڭ تەرگەۋشىسى:
- وقيعا بولعان جەرگە تەرگەۋ توبىنىڭ قۇرامى شىعىپ، تەرگەۋ امالدارىن ورىندادى. قازىرگى تاڭدا وسى قىلمىستىق ءىس بويىنشا جان- جاقتى تەرگەۋ جۇرگىزىلۋدە. بارلىق جاعدايدى ءبىز انىقتاپ، زاڭعا سايكەس پروتسەسسۋالدى شەشىم قابىلدانادى.
