وقۋشىلاردىڭ ءۇشىنشى توقساندا قاي پاندەردى وففلاين وقيتىنى بەلگىلى بولدى

«11 -قاڭتاردان باستاپ وقۋ جىلىنىڭ ءۇشىنشى توقسانى باستالادى. 1-5 -سىنىپ وقۋشىلارى كەزەكشى سىنىپتار رەجيمىندە وقۋدى جالعاستىرادى. سونىمەن قاتار، III توقساندا ءبىتىرۋشى 9 جانە 11 (12)-سىنىپ وقۋشىلارى ارالاس فورماتتا 15 ادامنان اسپايتىن كەزەكشى سىنىپتار رەجيمىندە وقۋدى باستايدى دەپ جوسپارلانۋدا. ارينە، ناقتى شەشىم ەڭ الدىمەن قالامىزداعى ەپدەميالوگيالىق جاعدايعا بايلانىستى بولادى»، - دەدى باسقارما باسشىسى بۇگىنگى باسپا ءسوز ءماسليحاتىندا.

ونىڭ ايتۋىنشا وففلاين وتەتىن ساباق كەستەسىنە: ورىس ءتىلى مەن ادەبيەتى، قازاق ءتىلى مەن ادەبيەتى، شەت ءتىلى، الگەبرا، گەومەتريا، فيزيكا، حيميا، بيولوگيا، گەوگرافيا، قازاقستان تاريحى، دۇنيەجۇزى تاريحى كىرەدى. بۇل وقىتۋ پاندەرىنىڭ %70 ىن قۇرايدى.

«سونداي-اق پاندەردىڭ %30 ى قاشىقتان وقىتىلادى. اتاپ وتەتىن بولسام: ينفورماتيكا، ءوزىن - ءوزى تانۋ، دەنە شىنىقتىرۋ، قۇقىق نەگىزى، العاشقى اسكەري تەحنولوگيالىق دايىندىق پاندەرى قاشىقتان وقىتىلادى. ال ۆارياتيۆتى كومپونەنتتىڭ پاندەرى كەستەگە سايكەس اسينحروندى تۇردە جۇرگىزىلەدى»، - دەدى ول.

ايتا كەتۋ كەرەك، وففلاين رەجيمدەگى وقىتۋ دەگەنىمىز - ينتەرنەت رەسۋرستارىنىڭ كومەگىمەن (ەلەكتروندىق پوشتا) مۇعالىم مەن وقۋشى اراسىنداعى اقپارات الماسۋدى قامتاسىز ەتۋگە مۇمكىندىك بەرەتىن وقىتۋدىڭ فورماسى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى