قىتايعا مەتەوريتكە ۇقساس وتتى شار قۇلادى

«بۇگىن تاڭەرتەڭ شينحاي پروۆينتسياسىنىڭ يۋشۋ ۋەزىندە مەتەوريت قۇلادى دەپ بولجانۋدا. شينحاي پروۆينتسياسىنىڭ سەيسمولوگيالىق ورتالىعى جەرگىلىكتى ۋاقىت بويىنشا 7.25 تە (استانا ۋاقىتىمەن 5.25) قۇلاپ كەلە جاتقان دەنەنى انىقتاعان»، - دەلىنگەن حابارلامادا.

بۇدان باسقا تولىق اقپاراتتار كەلتىرىلمەگەن.

مەتەوريت تاڭ ەرتەڭگى ۋاقىتتا قۇلاعان سوڭ، يۋيشۋ قالاسىنىڭ تۇرعىندارى كورە العان. ولار تاڭەرتەڭ بولعان تاڭعاجايىپ قۇبىلىستى ۆيدەوعا ءتۇسىرىپ، جەلىگە جۇكتەپ ۇلگەرگەن.

زارداپ شەككەندەر تۋرالى اقپارات جوق.

كەنحي ۋنيۆەرسيتەتىنىڭ (كورەيا رەسپۋبليكاسى) پروفەسسورى ەۆگەني زۋبكو قىتايدا مەتەوريتكە ۇقساس قۇلاعان نىساننىڭ راديۋسى 1 مەترگە دەيىن جانە سالماعى 10 تونناعا جۋىق بولۋى مۇمكىن ەكەنىن ايتتى.

«اتموسفەراعا كىرگەن كەزدە مەتەوريت 3-4 مىڭ گرادۋسقا دەيىن قىزادى، كورىنەتىن دياپازوندا جارقىل پايدا بولادى. ونى كوزبەن كورۋگە بولادى. بۇل نىساننىڭ راديۋسى شامامەن 1 مەتر، ياعني ماسساسى 10 توننادان اسادى. بۇل وتە ۇلكەن نىسان. مۇنداي مولشەردەگى مەتەوريتتەر سيرەك كەزدەسەدى، راديۋسى 1 سانتيمەتر بولاتىن ميللياردقا جۋىق مەتەوريتتىڭ ءبىر جاعدايى»، - دەدى زۋبكو.

سونداي- اق، تۇرعىندار مەتەوريت جارقىلىنىڭ شامامەن 30 سەكۋند بويى بايقالعانىن اتاپ ءوتتى.

«نىسان جەرگە قۇلاعان كەزدە سوققى نۇكتەسىندە جارىلىس بولۋى كەرەك ەدى. ۇلكەن ماسساعا بايلانىستى جويقىن سوققى بولۋى كەرەك. بۇل دەگەنىمىز ارتيللەريالىق سناريادتىڭ ماسساسىنان جۇزدەگەن ەسە كوپ»، - دەپ قوستى عالىم.

Stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى