قازاقستاندا گاز باعاسى قىمباتتامايدى
بۇل تۋرالى ق ر ەنەرگەتيكا مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.
«گاز جانە گازبەن جابدىقتاۋ تۋرالى» ق ر زاڭىنا سايكەس قازاقستان رەسپۋبليكاسىنىڭ ىشكى نارىعىنا سۇيىتىلعان مۇناي گازىن جەتكىزۋ جوسپارى اياسىندا ەلەكتروندىق ساۋدا الاڭدارىنان تىس وتكىزىلەتىن سۇيىتىلعان مۇناي گازىنىڭ شەكتى باعاسىن مەملەكەتتىك رەتتەۋ جۇزەگە اسىرىلادى. ەنەرگەتيكا مينيسترلىگى شەكتى باعانى ۇلتتىق ەكونوميكا مينيسترلىگىمەن كەلىسىم بويىنشا توقسان سايىن بەكىتەدى جانە ول قازاقستان رەسپۋبليكاسىنىڭ بۇكىل اۋماعىندا قولدانىلادى. وسىعان وراي ەنەرگەتيكا ءمينيسترىنىڭ بۇيرىعىمەن 2021 -جىلدىڭ 1-توقسانىنا ارنالعان شەكتى كوتەرمە باعا بەكىتىلدى.
«شەكتى باعانى بەلگىلەۋ ءتارتىبى قازاقستان رەسپۋبليكاسىنىڭ ىشكى نارىعىندا تاۋارلىق گازدى كوتەرمە ساۋدادا وتكىزۋدىڭ شەكتى باعالارىن جانە قازاقستان رەسپۋبليكاسىنىڭ ىشكى نارىعىنا سۇيىتىلعان مۇناي گازىن ەلەكتروندىق ساۋدا الاڭدارىنان تىس جەتكىزۋ جوسپارى اياسىندا وتكىزىلەتىن سۇيىتىلعان مۇناي گازىنىڭ شەكتى باعالارىن ايقىنداۋ قاعيدالارىمەن رەگلامەنتتەلگەن. وسى قاعيدالارعا سايكەس 2021 -جىلعى 1-توقسانعا ارنالعان شەكتى باعا 2020 -جىلعى ءتورتىنشى توقسانداعىداي ق ق س- تى ەسەپكە الماعاندا تونناسىنا 38701,67 تەڭگەنى قۇرادى»، - دەلىنگەن مينيسترلىك اقپاراتىندا.
