ۇلتتىق سپورت تۇرلەرىن مەكتەپ باعدارلاماسىنا ەنگىزۋ ءتارتىبى ايقىندالدى
بۇگىن سەناتتىڭ جالپى وتىرىسىندا دەپۋتات ەرىك سۇلتانوۆ ءبىلىم بەرۋ باعدارلاماسىنا ۇلتتىق سپورتتىڭ قاي تۇرلەرى ەنەتىنىن جانە بۇل قادامدار قالاي جۇزەگە اسىرىلاتىنىن سۇرادى.
«جالپى، ۇلتتىق سپورتتىڭ 20 دان استام ءتۇرى بار. زاڭ جوباسى بويىنشا ءبىلىم بەرۋ ۇيىمدارىنا ۇلتتىق سپورت تۇرلەرىن وقۋ باعدارلامالارىنا مىندەتتى كومپونەنت رەتىندە ەنگىزۋ تۋرالى جۇمىس پىسىقتالىپ جاتىر. وسى ورايدا كەزەڭ- كەزەڭمەن ىسكە اسىرۋ قادامدارى قارىستىرىلىپ وتىر. قازىرگى كەزدە ءتيىستى تەكتىكتەر ەسكەرىلىپ، نورماتيۆتىك- قۇقىقتىق اكتىلەر ازىرلەندى»، - دەدى مينيستر ونىڭ ايتۋىنشا، ەڭ الدىمەن ءبىلىم بەرۋ ۇيىمدارىندا اسىق اتۋ، توعىزقۇمالاق، قازاق كۇرەسىن ەنگىزۋ جوسپارلانىپ وتىر.
«سونىمەن قاتار، اۋدارىسپاق، كوكپار، جامبى اتۋ، جەكپە- جەك سياقتى ۇلتتىق سپورت تۇرلەرىنەن وقۋشىلار دەنساۋلىعىنا زاقىم كەلمەيتىن جاتتىعۋلارى مەن ەلەمەنتتەرىن ەنگىزۋ جوسپارلانىپ وتىر. اتاپ ايتقاندا، بۇل قادامدار كەزەڭ- كەزەڭمەن ىسكە اسىرىلادى. قازىرگى كەزدە قاناتقاقتى جوبا رەتىندە نۇر- سۇلتان قالاسىندا قازاق كۇرەسى ۇلتتىق سپورت ءتۇرىن ورتا ءبىلىم مەكتەپتەرىندە ەنگىزۋ قاراستىرىلىپ وتىر»، - دەدى ا. رايىمقۇلوۆا.
بۇدان بۇرىن حابارلانعانداي، پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت، دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى قابىلداندى.
بۇل قۇجاتتا ۇلتتىق سپورت تۇرلەرىن دامىتۋ، ولاردى جاس بۋىنعا مەكتەپ كەزىنەن باستاپ ناسيحاتتاۋ ماسەلەلەرىنە دە ەرەكشە نازار اۋدارىلعان.
اۆتور: رۋسلان عابباسوۆ
