زەرتتەۋ: قانتى كوپ تاعامدار ىشەكتىڭ قابىنۋىنا سەبەپ بولادى

بۇل جايىندا زەرتتەۋ Science Translational Medicine جۋرنالىندا جاريالانعان.

كرون اۋرۋى، ويىق جارالى كوليت سىندى ىشەك اۋرۋىنىڭ قابىنۋىمەن الەمدە 3,5 ميلليون ادام اۋىرادى. اتالمىش اۋرۋدىڭ بەلگىلەرى - ءىش ءوتۋ، ءىش اۋرۋ، ءىشتىڭ بۇراپ اۋرۋى. اسىرەسە بۇل اۋرۋمەن ەۋروپا مەن ا ق ش ازاماتتارى كوپ اۋىرادى.

عالىمداردىڭ ايتۋىنشا، قانتتى تاعامداردى كوپ تۇتىنۋ ىشەك قابىنۋىنا سەبەپ بولادى. قانت قوسىلعان تاعامدار ءجىتى وڭدەۋدەن وتەتىندىكتەن، قوسپا مول بولادى. سودان قاندا قانت كوبەيىپ، ديابەتكە، سەمىزدىككە دۋشار ەتەدى.

تەحاس ۋنيۆەرسيتەتىنىڭ مەديتسينالىق ورتالىعىنىڭ بيولوگتاردى تىشقاندارعا زەرتحانالىق زەرتتەۋ جۇرگىزىپ، قانت قوسىلعان تاعام جەگەن تىشقانداردىڭ توق ىشەك قابىنۋىنا ۇشىراعانىن بايقاعان. قابىنۋ پروتسەسى تەز باستالاتىن كورىنەدى. قانتى مول ازىق جەگەن تىشقانداردىڭ ىشەگى نەبارى ءۇش كۇننەن كەيىن قابىنا باستاعان.

زەرتتەۋ توبىنىڭ جەتەكشىسى شاحانشاح حاننىڭ (Shahanshah Khan) ايتۋىنشا، قانت ىشەك ميكروبيوماسىن وزگەرتىپ، كەي باكتەريالار ىشەكتىڭ قورعانىش قاباتىن بۇزۋىنا اسەر ەتكەن. سودان توق ىشەكتىڭ شىرىشتى قابىعى قابىنادى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى