سىرتقى ىستەر ءمينيسترى م. تىلەۋبەردى رەسەي دەپۋتاتتارىنىڭ ساندىراعىنا جاۋاپ بەردى

«سىرتقى ىستەر ءمينيسترى رەتىندە ايتارىم، رەسەيدىڭ ۇستانىمى ولاردىكىمەن سايكەس كەلمەيدى. ءبىزدىڭ شەكارامىز زاڭدى تۇردە دەليميتاتسيادان وتكەن. ەكىجاقتى ءتيىستى كەلىسىمگە قول قويىلعان. قازىر ءبىز شەكارامىزدى دەماركاتسيادان وتكىزۋدەمىز. پاندەمياعا بايلانىستى بۇل پروتسەسس ءسال توقتاپ قالدى. كەلەسى 3 جىلدا بۇل جۇمىستى بىتىرەمىز»، - دەگەن مينيستر رەسەيلىكتەردىڭ ساندىراعى نامىسىنا تيگەنىن ايتتى.

مۇحتار تىلەۋبەردى، ق ر سىرتقى ىستەر ءمينيسترى:

- كوتەرىلگەن ماسەلە وزەكتى. نيكونوۆ مىرزانىڭ ايتىلعان سوزدەرىنەن كەيىن سىرتقى ىستەر مينيسترلىگىنىڭ عيماراتىنا رەسەي فەدەراتسياسىنىڭ ۋاقىتشا وكىلىن شاقىرعان بولاتىنمىن. ول كەزدە ەلشىلەرى ماسكەۋگە ءىسساپارعا كەتكەن بولاتىن. سوندىقتان مەنىڭ ورىنباسارىم قابىلدادى. سول كەزدە ءبىز سىرتقى ىستەر مينيسترلىگىنىڭ ۇستانىمىن بىلدىردىك. قالىپتاسقان تاجىريبەگە سايكەس، ولار رەسمي تۇردە جاۋاپ بەرمەيدى، ءبىراق قابىلداعان ءىس- شارالار تۋرالى بىزگە حابارلاعان ەدى. ولار دا پارلامەنتكە، پرەزيدەنت اكىمشىلىگىنە حابارلاسىپ، «مۇنداي سوزدەردى جاريالاۋعا بولمايدى» دەگەندەي سىن ايتقان بولاتىن.

ال فەدوروۆ ءوز سوزدەرىندە بۇل ماسەلەنى تاعى دا قايتالاپ جاتىر. ەڭ بىرىنشىدەن، قازاق رەتىندە، قازاقستان ازاماتى رەتىندە ونداي سوزدەرگە نامىسىم كەلەدى. ءبىراق جوعارى ءبىلىم العان سوڭ، وتانىمىزدىڭ تاريحىن بىلگەننەن كەيىن مۇنداي سوزدەرگە «Бред сивой кобылы» دەپ جاۋاپ بەرەر ەدىم. مۇنداي سوزدەر كوتەرىلگەن كەزدە الدىمەن تاريحشىلارعا، عىلىمعا سۇيەنۋ كەرەك.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى