كەلەر جىلى باستالاتىن جالپىعا بىردەي دەكلاراتسيالاۋ قالاي جۇزەگە اسىرىلادى
ايتا كەتەتىن ماسەلە - 2020 -جىلدىڭ 10- جەلتوقسانىندا پرەزيدەنت «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىنە (سالىق كودەكسى) وزگەرىستەر مەن تولىقتىرۋلار ەنگىزۋ تۋرالى» ق ر زاڭىنا قول قويدى. اتالمىش قۇجات نورمالارىنا سايكەس، 2021 -جىلدىڭ 1- قاڭتارىنان باستاپ ەلىمىزدە جالپىعا بىردەي دەكلاراتسيالاۋ جۇيەسى ەنگىزىلەدى. مەملەكەتتىك كىرىستەر كوميتەتىنىڭ باسپا ءسوز قىزمەتىنىڭ مالىمەتتەرىنە قاراعاندا، سالىق كودەكسىندە جالپىعا بىردەي دەكلاراتسيالاۋدى ءتورت كەزەڭمەن جۇزەگە اسىرۋ قاراستىرىلعان.
2021 -جىلدىڭ 1- قاڭتارىنان باستالاتىن ءبىرىنشى كەزەڭدە اكتيۆتەر مەن مىندەتتەر جونىندەگى دەكلاراتسيانى جاۋاپتى مەملەكەتتىك لاۋازىمداعى تۇلعالارمەن ولاردىڭ جۇبايلارى؛ مەملەكەتتىك فۋنكسيالاردى ورىنداۋعا ۋاكىلەتتىك بەرىلگەن جانە ولارعا تەڭەستىرىلگەن تۇلعالار مەن ولاردىڭ جۇبايلارى، سونداي- اق «قازاقستان رەسپۋبليكاسىنداعى سايلاۋ تۋرالى» ق ر كونستيتۋتسيالىق زاڭىنا جانە «سىبايلاس جەمقورلىققا قارسى ءىس- قيمىل تۋرالى»، «قازاقستان رەسپۋبليكاسىنداعى بانكتەر جانە بانك قىزمەتى تۋرالى»، «ساقتاندىرۋ قىزمەتى تۋرالى»، «باعالى قاعازدار رىنوگى تۋرالى» قازاقستان رەسپۋبليكاسىنىڭ زاڭدارىنا سايكەس دەكلاراتسيا ۇسىنۋ جونىندەگى مىندەت جۇكتەلگەن تۇلعالار تاپسىرادى.
بۇل دەكلاراتسيا، دەكلاراتسيالاۋ جۇيەسىنە ەنگىزۋ مەزەتىندە سول ۋاقىتقا اكتيۆتەردىڭ كولەمىن بەلگىلەۋ جانە ودان ءارى مۇلىكتىڭ ءوسىمىن مونيتورينگىلەۋ ءۇشىن ءبىر رەت ۇسىنىلادى. جوعارىدا اتالعان ازاماتتار اكتيۆتەر مەن مىندەتتەر تۋرالى دەرەكتەردى 2020 -جىلدىڭ 31 - جەلتوقسانىنداعى جاعداي بويىنشا كورسەتۋلەرى ءتيىس. اتاپ ايتقاندا، ول بويىنشا قۇقىق جانە (نەمەسە) كەلىسىمشارت شەت مەملەكەت زاڭناماسىنا سايكەس، سول مەملەكەتتىڭ قۇزىرلى ورگانىندا مەملەكەتتىك نەمەسە وزگە دە تىركەۋگە جاتاتىن مۇلىك دەكلاراتسيادا كورسەتىلۋى ءتيىس. كورسەتىلەتىن مۇلىك تىزىمىنە سونداي- اق، جىلجىمايتىن مۇلىك، جەر ۋچاسكەلەرى جانە (نەمەسە) جەر ۇلەستەرى، اۋە جانە تەڭىز كەمەلەرى، ىشكى سۋلاردا ءجۇزۋ كەمەلەرى، «وزەن- تەڭىز» ءجۇزۋ كەمەلەرى، كولىك قۇرالدارى، ارنايى تەحنيكالار جانە (نەمەسە) تىركەمەلەر، ق ر اۋماعىنان تىس، شەتەلدىك بانكتەردىڭ ەسەپشوتىندا ساقتالعان بارلىق بانكتىك سالىمدارى بويىنشا رەسپۋبليكالىق بيۋدجەت تۋرالى زاڭمەن بەلگىلەنگەن جانە ەسەپتى سالىق كەزەڭىنىڭ 31 - جەلتوقسانىنا دەيىنگى قولدانىستاعى ەڭ تومەنگى ەسەپتىك كورسەتكىشتىڭ 1000 ەسەلەنگەن اقشا قاراجاتى جاتادى.
سونىمەن قاتار، ق ر- عى جانە (نەمەسە) ونىڭ اۋماعىنان تىس جەرلەردەگى مۇلىكتەرى تۋرالى، ياعني تۇرعىن ءۇي قۇرىلىسىنداعى ۇلەسكەرلىك قاتىسۋ تۋرالى كەلىسىم بويىنشا تۇرعىن- جايداعى ۇلەسى؛ ق ر اۋماعىنان تىس جەرلەردە قۇرىلعان زاڭدى تۇلعانىڭ جارعىلىق كاپيتالىنداعى قاتىسۋ ۇلەسى، قۇندى قاعازدار، تۋىندى قارجى قۇرالدارى (اتقارىلۋى بازالىق اكتيۆتى ساتىپ الۋ نەمەسە ساتۋ ارقىلى جۇرگزىلەتىن تۋىندى قارجى قۇرالدارىنان وزگە)، ينۆەستيتسيالىق التىن، ينتەللەكتۋالدىق مەنشىك نىساندارى، اۆتورلىق قۇقىق تۋرالى دەرەكتەردى كورسەتۋ قاجەت.
سونداي- اق، رەسپۋبليكالىق بيۋدجەت تۋرالى زاڭدا بەلگىلەنگەن جانە جەكە تۇلعانىڭ اكتيۆتەرى مەن مىندەتتەمەلەرى تۋرالى دەكلاراتسيا تاپسىرعان جىلدىڭ الدىنداعى جىلدىڭ 31 - جەلتوقسانىنداعى جاعداي بويىنشا ەسەپتەلگەن ەڭ از ەسەپتىك كورسەتكىشتىڭ 1000 ەسەلەنگەن مولشەرىنەن اسپايتىن مولشەردەگى قولما- قول اقشا؛ ق ر- داعى بانكتەر جانە بانك قىزمەتى جونىندەگى قازاقستان رەسپۋبليكاسىنىڭ زاڭدارىنا سايكەس قۇرىلعان بانكتەر مەن بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار الدىنداعى بەرەشەكتەردى قوسپاعاندا، مىندەتتەمە نەمەسە تالاپ تۋىنداۋىنا نەگىز بولاتىن، نوتاريالدى كۋالاندىرىلعان كەلىسىمشارت نەمەسە باسقا قۇجات بولعان كەزدە جەكە تۇلعالاردىڭ بىرەۋلەر الدىنداعى قارىزدارى (كرەديتورلىق بەرەشەك) جانە (نەمەسە) باسقا تۇلعالاردىڭ جەكە تۇلعا الدىنداعى قارىزدارى (دەبيتورلىق بەرەشەك) كورسەتىلەدى.
سونداي- اق، جوعارىدا كورسەتىلگەن تۇلعالاردىڭ بىرلىك باعاسى رەسپۋبليكالىق بيۋدجەت تۋرالى زاڭدا بەلگىلەنگەن جانە ەسەپتى سالىق كەزەڭىنىڭ 31 - جەلتوقسانىنا دەيىن قولدانىستا بولاتىن ەڭ تومەنگى ەسەپتىك كورسەتكىشتىڭ 1000 ەسەلەنگەن مولشەرىنەن اساتىن ونەر تۋىندىسى سەكىلدى جانە ت. ب. , قىمبات باعالى مۇلكى بولعان جاعدايدا، ەگەر ول قازاقستان رەسپۋبليكاسىنىڭ باعالاۋ قىزمەتى تۋرالى زاڭناماسىنا سايكەس باعالاۋشى مەن سالىق تولەۋشى اراسىنداعى كەلىسىم بويىنشا جۇزەگە اسىرىلعان باعالاۋ تۋرالى ەسەپتە ايقىندالعان ءمان بولسا، دەكلاراتسيا تاپسىرۋشى ونى ءوز ەركى بويىنشا دەكلاراتسيادا كورسەتۋگە قۇقىلى.
مەملەكەتتىك نەمەسە وزگە تىركەۋگە جاتاتىن مۇلىكتى، سونداي- اق ولار بويىنشا قۇقىقتار جانە (نەمەسە) مامىلەلەر مەملەكەتتىك نەمەسە وزگە دە تىركەۋگە جاتاتىن مۇلىكتەردى قوسپاعاندا. جالپىعا بىردەي دەكلاراتسيالاۋدىڭ ءبىرىنشى كەزەڭىنە كىرەتىن ادامدار ءۇشىن تۇرعىلىقتى جەرى (كەلۋ ورنى) بويىنشا دەكلاراتسيانى قاعاز نۇسقادا تاپسىرۋ مەرزىمى - 2021 -جىلدىڭ 15- شىلدەسىنەن كەشىكتىرمەي نەمەسە ەلەكتروندىق نۇسقادا - 2021 -جىلدىڭ 15 - قىركۇيەگىنەن كەشىكتىرىلمەۋى ءتيىس. ودان ءارى، اكتيۆتەر مەن مىندەتتەمەلەر تۋرالى دەكلاراتسيانى (250.00 س ە ن) تاپسىرعاننان كەيىن، وسى ساناتتاعى تۇلعالار 2022 -جىلدىڭ 1 - قاڭتارىنان باستاپ جىل سايىن كىرىستەرى مەن مۇلىكتەرى تۋرالى دەكلاراتسيا (270.00 س ە ن) تاپسىرۋى قاجەت بولادى.
اۆتور: رۋسلان عابباسوۆ
