الەمدەگى ەڭ قورقىنىشتى لابيرينتتەر

ءبىرىنشى پليني شەديتكە جاقىن ورنالاسقان تۇسىنىكسىز قۇرىلىستى سيپاتتاعان، ونى گرەكتەر «قولتىراۋىن الاڭى» دەپ اتاعان. مۇندا سەبەكاعا (قولتىراۋىن باسقاراتىن قۇدايعا) تابىنۋ داستۇرگە اينالدى، ال لابيرينت تاڭعالارلىق ءدىني راسىمدەر جاسالاتىن ورىن رەتىندە دارىپتەلدى.

باسقا ەلدەردە لابيرينتتەر ەجەلدەن بەرى شامامەن سول ماقساتتا قولدانىلعان. بۇل ادام جولىن جاڭىلىستىراتىن قۇرىلىمدار ەشقاشان ويىن-ساۋىق ورنى رەتىندە قولدانىلعان ەمەس. لابيرينتتەر ۋاقىت وتە ءدىني ءراسىم وتكىزەتىن عيباداتحانادان ويىن-ساۋىق الاڭىنا اينالدى. نازارىڭىزعا الەمدەگى ەڭ قورقىنىشتى لابيرينتتەر ءتىزىمىن ۇسىنامىز.

پاريج كاتاكومباسى

پاريج كاتاكومباسى - پاريجگە جاقىن ورنالاسقان ەجەلگى ريم كارەرلەرى ورنالاسقان جەردە ۇزىندىعى 1,5 شاقىرىمعا جۋىق جەراستى تۋننەلدەر تورابى رەتىندە قازىلعان. ءبىراق حالقى تىعىز ورنالاسقان پاريج ءۇشىن XVIIІ عاسىردىڭ اياعى وڭاي بولعان جوق. ءولىم-ءجىتىمنىڭ كوبەيۋى اينالاداعى بارلىق زيراتتىڭ تولىپ كەتۋىنە سەبەپ بولدى: ۇكىمەت مايىتتەردى جەر استى تۋننەلدەرگە جەرلەۋ تۋرالى شۇعىل شەشىم قابىلداۋعا ءماجبۇر بولدى.

ءبىر جارىم جىل ىشىندە مۇندا جەرلەنگەن مايىتتەردىڭ سانى التى ميلليوننان استى. كەيىن تۋننەلدەر كەڭەيىپ لابيرينتكە اينالدى. قازىر ونىڭ اۋدانى 11 مىڭ شارشى مەتر. بۇگىندە كاتاكومبالار كارناۆال مۇراجايىنىڭ بولىگى جانە ونىڭ شاعىن اۋماعى تۋريستەرگە اشىق، ءبىراق ىشكە كىرەتىن جولدار قاتاڭ قورعالعان.

لوندون مەتروپوليتەنى

لوندونداعى العاشقى جەراستى لابيرينتتەرى ەكى مىڭ جىل بۇرىن قازىلعان. ولار قالامەن بىرگە ءوسىپ، دامىدى. بۇل ورىندار ۇزاق ۋاقىت كەدەيلەردىڭ، ۇرىلاردىڭ، قاندى قول قاراقشىلاردىڭ پاناسى بولدى. لوندونداعى XVI عاسىردان قالعان كلاسسيكالىق لابيرينتتىڭ كەيبىر بولمەسىن تۋريست رەتىندە كورۋگە بولادى. ەگەر ءسىز لابيرينتپەن تەرەڭىرەك تانىسامىن دەسەڭىز، گيد جالداپ ارالاپ كورۋگە بولادى. گيدپەن بىرگە ءسىز ازاپتاۋ كامەرالارىن، ورتەنگەن بولمەلەر جانە ءتىپتى مۋميالانعان دەنەلەردى كورە الاسىز.

يۋتا شتاتىنىڭ لابيرينتى

كانونلاند ۇلتتىق پاركىنىڭ ەڭ الىس بۇرىشىنا تۋريستەر سيرەك بارادى. مۇندا كەلگەندەردىڭ ماقساتى ءبىر - تابيعي لابيرينتتە قورقىنىشىن سىناۋ. بۇل الەمدەگى ەڭ كۇردەلى لابيرينتتەردىڭ ءبىرى. مۇندا جىل بويى تاس قۇلاۋ، ءتىپتى سۋ باسۋ قاۋپى بار. جىل سايىن مۇندا ونداعان ادام جوعالىپ كەتەدى جانە ولاردى قايتا تابۋ مۇمكىن ەمەس.

پيزاني ۆيللا لابيرينتى

بۇل الەمدەگى ەڭ كۇردەلى لابيرينتتەردىڭ ءبىرى. كەلۋشىلەر مۇندا اداسىپ، بىرنەشە ساعات جۇرە الادى. كەيبىر دەرەكتەر، مۇندا ناپولەون بوناپارت تا اداسقانىن جازادى. لابيرينتتىڭ ورتاسىنان تۋريستەر XVIII عاسىردا سالىنعان مۇنارانى تاماشالاي الادى.

سولوۆەتسكي لابيرينتتەرى

سلوۆەتسكي ارالدارىنان تابىلعان 35 تاس قۇرىلىم «سولتۇستىك لابيرينتتەر» توبىنا جاتادى. مۇنداي نىساندار يرلانديا مەن شوتلانديادا بار. جەرگىلىكتى تۇرعىندار بۇل لابيرينتتەردى اينالىپ وتۋگە تىرىسادى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى