قازاقستان ازاماتتارى ومانعا ۆيزاسىز بارا الادى
قازاقپارات بۇل تۋرالى ق ر سىرتقى ىستەر مينيسترلىگىنە سىلتەمە جاساپ حابارلايدى.
تالاپتارعا سايكەس قازاقستان ازاماتتارى ومانعا كىرۋ ءۇشىن شەكارادان ءوتۋ كەزىندە قوناق ءۇيدىڭ بروندالعانىن، ساپار مەرزىمىنە مەديتسينالىق ساقتاندىرۋدىڭ بار ەكەندىگىن راستاۋى قاجەت.
سونداي-اق قايتۋ اۋە بيلەتىن، ا ق ش، اۋستراليا، كانادا، جاپونيا، ۇلى بريتانيا نەمەسە شەنگەن ايماعىنىڭ قولدانىستاعى ۆيزاسى بار پاسپورتتى كورسەتۋلەرى ءتيىس.
«ەلدە ۆيزاسىز بولۋدى ۇزارتۋ قاراستىرىلماعانىن اتاپ وتكەن ءجون. بۇل ەرەجەنى بۇزۋ ءاربىر مەرزىمى وتكەن كۇنگە 10 وماندىق ريال (شامامەن 26 ا ق ش دوللار) مولشەرىندە اقشالاي ايىپپۇل تولەۋگە اكەلىپ سوعادى. سونىمەن قاتار، ەلدە COVID-19 پاندەمياسىنىڭ ارى قاراي تارالۋىنا جول بەرمەۋ ماقساتىندا 2020-جىلدىڭ 21- جەلتوقسانىندا ومان ۇكىمەتى 22- جەلتوقسان كۇنى ساعات 01:00 دەن باستاپ 29- جەلتوقسان كۇنى ساعات 00:59 گە دەيىن بارلىق مەملەكەتتىك شەكارالاردى (اۋە، جەر جانە تەڭىز) جابۋ تۋرالى شەشىم قابىلداعانىن ەسكەرتەمىز»، - دەدى مينيسترلىكتەن.
