قازاقستانعا قانداي اسكەري تەحنيكالار ساتىپ الىندى

«بيىل 370-تەن استام اسكەري تەحنيكا ساتىپ الىندى، 200-دەن استامى كۇردەلى جوندەۋدەن ءوتتى جانە جاڭارتىلدى. العاش رەت قازاقستاننىڭ قارۋلى كۇشتەرىنە «بۋك» زەنيتتىك- زىمىران كەشەندەرى كەلىپ ءتۇستى. ودان باسقا، تومەن نىسانداردى انىقتايتىن «روسا» راديولوكاتسيالىق ستانسيالار الىندى. وتاندىق وندىرىستەن «نۇر» راديولوكاتسيالىق ستانسيالارى الىنىپ جاتىر»، - دەدى نۇرلان ەرمەكبايەۆ ورتالىق كوممۋنيكاتسيالار قىزمەتىندە وتكەن بريفينگتە.

ارتيللەريالىق بارلاۋدى دامىتۋ ءۇشىن «پلاتفورما» جىلجىمالى نىسانداردى بارلاۋ جانە كونترباتارەيالىق كۇرەس راديولوكاتسيالىق ستانسياسى قابىلداندى. مينيستر وسىنداي قۇرالدارمەن جابدىقتاۋ پروتسەسى جالعاساتىنىن ايتتى.

«اسكەرىمىزگە زاماناۋي س ۋ-30 س م ۇشاقتارى، م ي-35 تىكۇشاقتارى، بارلاۋعا ارنالعان ۇشقىشسىز ۇشۋ اپپاراتتارى دا ءتۇسىپ جاتىر. اسكەري تەحنيكانى جاڭارتۋ ءۇشىن قورعانىس مينيسترلىگى ەلدە قارۋ- جاراقتىڭ كەيبىر جاڭا تۇرلەرىن ءوندىرۋ باستاماسىن كوتەردى»، - دەيدى مينيستر.

سونىمەن بىرگە، مينيستر اسكەري وقۋ ورىندارى روبوت تەحنيكاسى مەن راديوەلەكتروندى ۇرىسقا باسىمدىق بەرىپ، عىلىمي زەرتتەۋلەر جۇرگىزەتىنىن ايتتى.

«اسكەري ماماندار درونعا قارسى قارۋ جانە ۇشقىشسىز ۇشاتىن اپپاراتتاردى ازىرلەدى. بىرەگەي اسكەري- عىلىمي ۆزۆود قۇرىلدى. مىسالى، ولار قۇجاتتاردى بەرۋدىڭ اۆتوماتتاندىرىلعان جۇيەسىن ازىرلەدى. بۇل مەملەكەتتىك قىزمەت كورسەتۋ كەزىندەگى شىعىندار مەن بيۋروكراتيالىق راسىمدەردى قىسقارتادى»، - دەپ اتاپ ءوتتى نۇرلان ەرمەكبايەۆ.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى