بوراندا جولدا قالعاندا قانداي ساقتىق شارالارىن ەسكەرۋ كەرەك
«بوران كەزىندە ءسىز اۆتوكولىكپەن جولدا قالساڭىز، كولىكتى توقتاتىڭىز، تۇراقتى بەلگىلەڭىز، ول ءۇشىن اشىق ءتۇستى ماتا ءىلۋ كەرەك. قوزعالتقىشتى رادياتور جاعىنان جابىڭىز. ماشينانىڭ قوزعالتقىشىن جەلدىڭ باعىتىمەن ورنالاستىرىڭىز. وسى ورايدا جانار- جاعارمايدى ۇنەمدەڭىز. قار قۇرساۋىندا قالعان كولىكتىڭ ىشىندە ءسىز قانشالىقتى توڭىپ قالساڭىز دا، بىردەن قوزعالتقىشتى ىسكە قوسپاڭىز. اۆتوكولىكتىڭ ىشىندە جينالعان گازدار ءسىزدى قاتتى ايازدان الدەقايدا ەرتەرەك مەرت قىلادى»، - دەدى باۋىرجان بەيسەنقانوۆ اكىمدىكتەگى ونلاين بريفينگىدە.
وسى ورايدا ول قوزعالتقىشتى وتالدىرىپ جىلىنۋ ءۇشىن كولىكتەن ءتۇسىپ، اۆتوموبيلدىڭ گاز شىعاتىن قۇبىرىنىڭ اينالاسىنداعى قاردى تازارتىپ، ءتۇتىننىڭ اتموسفەراعا شىعىپ جاتقانىنا كوز جەتكىزۋ كەرەكتىگىن ءتۇسىندىردى.
«سونىمەن، وسىنداي قاراپايىم ەرەجەلەردى ساقتاي وتىرىپ، ءسىز قىستا جاراقات الۋ قاۋپىن ازايتاسىز. توتەنشە جاعدايعا تاپ بولعاندا، بىردەن «112» قىزمەتىنە تەلەفون شالۋ كەرەك»، - دەدى باۋىرجان بەيسەنقانوۆ.
اۆتور: رۋسلان عابباسوۆ
