عالىمدار اندەتىپ جۇرەتىن ادامدار ۇزاعىراق ءومىر سۇرەتىنىن انىقتادى
ۇلى بريتانيانىڭ يەل ۋنيۆەرسيتەتىنىڭ عالىمدارى گارۆاردتاعى ارىپتەستەرىمەن بىرگە زەرتتەۋ جۇرگىزىپ، كۇتپەگەن مالىمدەمە جاسادى. زەرتتەۋشىلەر ءان سالۋ ادامنىڭ ءومىرىن ۇزارتادى دەگەن قورىتىندىعا كەلگەن. ءان شىرقاۋ ادامنىڭ پسيحيكالىق جانە فيزيكالىق جاعدايىن جاقسارتىپ، ءومىرىن قىزىقتى ءارى تولىققاندى ەتۋگە مۇمكىندىك بەرەدى ەكەن.
سوندىقتان ۇنەمى كوڭىل- كۇيى بولماي جۇرەتىن ادامدارمەن سالىستىرعاندا، ءان سالىپ، كوڭىلدى جۇرەتىن ادامدار ۇزاعىراق ءومىر سۇرەتىن كورىنەدى.
«ادام ءوزىنىڭ سۇيىكتى اندەرىن ايتقان كەزدە ونىڭ دەنەسىندە ەندورفيندەر بولىنەدى. بۇل كوڭىل- كۇيدى جاقسارتادى جانە ادامدار وزدەرىن باقىتتى سەزىنەدى»، - دەيدى عالىمدار.
عالىمدار سونىمەن قاتار ءان ايتۋ دەمەنتسيا مەن التسگەيمەر دەرتىنە شالدىعۋ قاۋپىن تومەندەتەتىنىن اتاپ ءوتتى.
جالپى العاندا، ءان سالۋ ميعا كوبىرەك وتتەگىنىڭ جەتكىزىلۋىنە سەبەپشى بولىپ، دەنساۋلىققا وڭ اسەر ەتەدى ەكەن.
سونداي-اق ءان ايتۋ قان قىسىمىن تومەندەتۋگە جانە كۇيزەلىس بەلگىلەرىن بولدىرماۋعا نەمەسە جويۋعا كومەكتەسەدى دەيدى زەرتتەۋشىلەر. عالىمدار ادامداردىڭ ۆوكالدىق قابىلەتى ءان ايتۋدىڭ دەنساۋلىققا تيگىزەر پايداسىنا ەش قاتىسى جوقتىعىن دا انىقتاعان. دەمەك، عاجايىپ داۋسىڭىز بولماسا دا، اراسىندا ءوزىڭىز ءۇشىن ءان سالىپ تۇرۋعا بولادى دەگەن ءسوز.
