نۇر-سۇلتاندا بارلىق جاڭاجىلدىق شىرشالار جاعىلادى

ولاردىڭ سانى 30 دان اسادى. حابار تەلەارناسى «عاجايىپ شىرشا» قىسقامەتراجدى فيلمىن 19:50-دە كورسەتە باستايدى، ال 20:00-دە ەكسپو-دا ورنالاسقان باس شىرشانى جاعۋعا دايىندالعان بەينەروليك كورسەتىلەدى. ون مينۋتتىق فيلمنىڭ ءوزى بىرنەشە نوۆەللادان تۇرادى: يگى ىستەر، جانۋارلارعا دەگەن سۇيىسپەنشىلىك پەن قامقورلىق، اتا-انالارعا دەگەن قۇرمەت پەن قامقورلىق، وتباسىلىق قۇندىلىقتار.

سونداي-اق، 22-جەلتوقساندا «ۇيدەگى شىرشانى بەزەندىرۋ» فلەشموبى اياسىندا ازاماتتاردى 22 -جەلتوقساندا ساعات 20.00-دە ءوز ۇيلەرىندە شىرشانى جاعۋعا قاتىسۋعا شاقىراتىن بەينەروليك جاريالاندى. بۇل فلەشموبقا كەز كەلگەن ادام تەلەفونعا ۆيدەو نەمەسە فوتو ءتۇسىرىپ، الەۋمەتتىك جەلىلەرگە ورنالاستىرا وتىرىپ، نۇر-سۇلتان اكىمدىگىنىڭ پاراقشاسىن بەلگىلەي وتىرىپ، #مەيىرىمدىبولۋادەت، #دوبروتاوبرازجيزني، #مودنوبىتدوبرىم حەشتەگىمەن جاريالاي الادى. جاڭا جىل قارساڭىندا ەلوردا تۇرعىندارى ءۇشىن بەينەقۇتتىقتاۋلار ۇيىمداستىرىلادى. وعان تانىمال ادامدار، قازاقستاندىق ەسترادا جۇلدىزدارى، اكتەرلەر جانە ت. ب. قاتىسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى