الماتى وبلىسىنىڭ تۇرعىنى مارال ءوسىرۋدى قولعا الدى
اقسۋ سۋىنىڭ باستاۋىندا ورنالاسقان شارۋاشىلىق كەربۇعىلاردى ارنايى قورشالعان ورىنعا جىبەردى. سۋىقساي اۋىلدىق وكرۋگىنە قاراستى اقتوبە اۋىلىندا ورنالاسقان «ارشالى تۋر» ج ش س مەديتسينالىق تۋريزمدى دامىتۋدى كوزدەپ وتىر.
«مارال مۇيىزىندەگى قاننىڭ قۇرامىندا ادام اعزاسىنا پايدالى 25 ءتۇرلى ميكروەلەمەنت بار. ال سورپاسىنا ءتۇسۋ سۇيەك، بۋىن اۋرۋلارىنا ادام دەنساۋلىعىن نىعايتۋعا تاپتىرماس ەم. دەمالىس ورنىنا تۋريستەردىڭ اعىلىپ كەلەتىنىنە كۇماندانبايمىن. جول ازابىن تارتىپ، دەرتكە شيپا ىزدەپ، وسكەمەنگە بارىپ جۇرمەي، جاقىن جەردەن شيپاجاي اشىلسا حالىققا ءتيىمدى بولادى دەپ ويلايمىن»، - دەيدى كاسىبىن ەندى باستاعان بەرىك الدابەرگەنوۆ.
كاسىپكەردىڭ باستى ماقساتى - ەمدەۋ- ساۋىقتىرۋ كەشەنىن اشىپ، دەمالىس ورنىنا اينالدىرۋ. تۇرعىن وسى سالانى باستاۋ ءۇشىن جاز ۋاقىتىندا كاتونقاراعايعا ارنايى بارىپ 10 كۇن مارال ءوسىرۋدىڭ قىر- سىرىمەن تانىسىپ، پانتا ازىرلەۋدى ۇيرەنىپ قايتىپتى. الداعى ۋاقىتتا تاعى دا مارالداردىڭ سانىن ارتتىرىپ، وسى كاسىپتى دامىتۋدى جوسپارلاپ وتىر.
اۆتور: سامال قابىشيەۆا
