الجۋ قاتەرىن ارتتىراتىن اۋرۋدىڭ ءتۇرى انىقتالدى
برازيليا عالىمدارى گيپەرتونيانىڭ كەز كەلگەن جاستا ادامنىڭ كوگنيتيۆتىك فۋنكسياسىن تومەندەتەتىنىن انىقتادى. ءتىپتى، اتالمىش دەرتتەن از ۋاقىت زارداپ شەككەن ادامنىڭ جادىسى مەن كونتسەنتراتسياسى (نازار اۋدارۋ) قىزمەتىنە تەرىس اسەر ەتىتىنى بەلگىلى بولدى. برازيلياداعى ميناس- جەرايس فەدەرالدى ۋنيۆەرسيتەتىنىڭ عالىمدارى تابانى كۇرەكتەي 4 جىل بويى 7000 ەرەسەك ادامنىڭ دەنساۋلىعىن قاداعالاپ، تەكسەرىپ وتىرعان ەكەن. اتالمىش تاجىريبەگە قاتىسقانداردىڭ ورتاشا جاسى - 59.
دالىرەگى، ولاردىڭ جادىسى مەن سويلەۋ جىلدامدىعى جانە سونىڭ ىشىندە نازار اۋدارۋى مەن نازار جىعۋى سەكىلدى فۋنكتسيالاردى قامتىعان اتقارۋشى فۋنكتسيالارى قاداعالانعان. عالىمداردىڭ ايتۋىنشا، ادام جاس كەزىنەن گيپەرتونيادان زارداپ شەكسە، ونىڭ الجۋ قاتەرى سوعۇرلىم جوعارى بولماق. قان قىسىمىنان بولاتىن كوگنيتيۆتىك فۋنكسيالار تەك قارتتار اراسىندا عانا ەمەس، سونىمەن قاتار، جاستار اراسىندا بىردەي كورىنىس تاپقان.
ياعني، سويلەۋ جىلدامدىعى، نازار سالۋى، ت. ب. سەكىلدى كوگنيتيۆتىك فۋنكسيالار قارت ادامنىڭ بويىندا دا، جاستاردىڭ بويىندا بىردەي دەڭگەيدە تومەندەگەن. ال قان قىسىمىنان زارداپ شەگەتىن ناۋقاستى كەز كەلگەن جاستا ەمدەسە، الجۋ قاتەرىن تومەندەتكەن.
