پوليتسەيلەر ەلوردا تۇرعىندارىنا ۇندەۋ جاسادى
قالالىق پوليتسيا دەپارتامەنت تاراتقان مالىمەتكە سايكەس، 20- جەلتوقسان كۇنى ەلوردادا 80 گە تارتا جول-كولىك وقيعاسى تىركەلىپ، ءبىر ادام دەنە جاراقاتىن العان. ەمحاناعا قارالعاننان كەيىن ول ۇيىنە قايتارىلدى.
«جولدىڭ رەتتەلەتىن جانە رەتتەلمەيتىن بولىگىن باسىپ وتەر كەزدە جاياۋ جۇرگىنشىلەردى ساق بولۋعا شاقىرامىز. جۇرگىزۋشىلەر دە جول قيىلىستارى مەن جاياۋ جۇرگىنشىلەرگە وتەتىن جولدى باسىپ وتەردە ساق بولسا دەيمىز. جىلدامدىق رەجيمىن قاتاڭ ساقتاۋ كەرەك. اسىرەسە جۇرگىزۋشىلەردى حالىقارالىق ساپارلاردى كەيىنگە شەگەرىپ، اۋا رايى مەن جولدىڭ جاي-كۇيى تۋرالى حابارلامالاردى باقىلاپ وتىرۋ كەرەكتىگىن ەسكەرتەمىز»، - دەلىنگەن دەپارتامەنتتىڭ حابارلاماسىندا.
پوليتسيا سونىمەن قاتار قاردىڭ قانشالىقتى قالىڭ جاۋاتىنىن، كوكتايعاقتىڭ جاي-كۇيىنەن مالىمەت بەرەتىن حابارلامالاردى نازاردان تىس قالدىرماۋ كەرەكتىگىن ەسكەرتەدى.
قازىرگى ۋاقىتتا قالا كوشەلەرىندەگى قاردى كۇرەۋ ءۇشىن مامانداندىرىلعان تەحنيكالار بارىنشا مولىنان جۇمىلدىرىلعان.
«ەلوردا تۇرعىندارىن وسى ەسكەرتۋگە تۇسىنىستىكپەن قاراۋدى وتىنەمىز. پاترۋلدىك پوليتسيا قىزمەتكەرلەرىنىڭ تالاپتارىن ورىنداۋ كەرەك. جولدا كەلە جاتقان قار كۇرەيتىن تەحنيكالاردىڭ جۇمىسىنا كەدەرگى كەلتىرمەۋدى سۇرايمىز»، - دەلىنگەن حابارلامادا.
