فۋتبول: قازاقستان چەمپيوناتىنداعى ەڭ ۇزدىك گول انىقتالدى

كاسىپقوي ليگا ماماندارى فۋتبولدان قازاقستان چەمپيوناتىنىڭ وتكەن ماۋسىمداعى ۇزدىك گولىن انىقتاۋ ماقساتىندا ارنايى ساۋالناما ۇيىمداستىرعان بولاتىن.

وعان سپورت جانكۇيەرلەرى مەن ب ا ق وكىلدەرى قاتىستى. ساۋالناما ق ك ف ل ۆكونتاكتە الەۋمەتتىك جەلىسىنىڭ رەسمي توبىندا وتكىزىلدى. جانكۇيەرلەر تاڭداۋىنا تامىز، قىركۇيەك، قازان جانە قاراشا ايلارىندا وتكەن ساۋالناما بويىنشا ۇزدىك اتانعان 4 گول ۇسىنىلدى.

شاراعا بارلىعى 1199 ادام قاتىستى. ساۋالناما قورىتىندىسى بويىنشا 2020-جىلعى OLIMPBET- فۋتبولدان قازاقستان چەمپيوناتىنىڭ ەڭ ۇزدىك گولىنىڭ اۆتورى بولىپ اسحات تاعىبەرگەننىڭ ەسىمى اتالدى.

قىزىلوردالىق فۋتبولشى جەتىنشى تۋرداعى «قايسار» - «توبىل» (2:1) كەزدەسۋىندە الىستان گول سوققان-دى. قىزىلوردالىق كوماندا ويىنشىسىنىڭ گولىنا 570 (%47,54) قاتىسۋشى داۋىس بەردى.

ايتا كەتەيىك، اسحات تاعىبەرگەن ق ر ۇلتتىق قۇراماسىندا وينايدى. ول بۇعان دەيىن دە ەل بىرىنشىلىگىندە ۇزدىك گولداردىڭ اۆتورى اتانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى