كوروناۆيرۋستان كەيىن اعزانى قالپىنا كەلتىرىپ، يممۋنيتەت كوتەرۋ ءۇشىن نە ىستەۋ كەرەك؟
بىرنەشە مىڭ ادام بۇگىندە ەم الىپ جاتسا، مىڭداعان ازاماتىمىزدان كوز جازىپ قالعانىمىز تاعى بار.
ال ۆيرۋس جۇقتىرعان ادامداردىڭ كەيبىرىنىڭ جازىلىپ شىققاننان كەيىن دە قالىپتى ومىرگە ورالۋى اۋىر سوعاتىندىعىن دارىگەر ماماندار ايتىپ تا جاتىر. وسىعان وراي كوروناۆيرۋستان كەيىن اعزانى قالاي قالىپقا كەلتىرىپ، يممۋنيتەتتى كوتەرۋگە بولاتىندىعى جايلى دارىگەرلەردىڭ پىكىرلەرىنە قۇلاق تۇرسەك...
كارديولوگيا جانە ىشكى اۋرۋلار عىلىمي-زەرتتەۋ ينستيتۋتى جوعارى وقۋ ورنىنان كەيىنگى جانە قوسىمشا ءبىلىم بەرۋ دەپارتامەنتىنىڭ باسشىسى، پروفەسسور ساۋلە قاسەنوۆانىڭ ايتۋىنشا، COVID-19 جەڭىل تۇرىنە شالدىققان ادام ءۇشىن (ك ت مالىمەتتەرى بويىنشا وكپە %30- عا دەيىن زاقىمدانعان) قالپىنا كەلتىرۋ 1 ايدان 3 ايعا دەيىن جانە كوپ جاعدايدا ءدارىنىڭ كومەگىنسىز ءوتۋى مۇمكىن. ال اۋرۋدىڭ ورتا دارەجەسىندە، ياعني وكپە 30 دان %50 عا دەيىن زاقىمدانعان جاعدايدا، وڭالتۋ 6 ايعا دەيىن جالعاسۋى ىقتيمال.
ك ۆ ي- ءدىڭ 3-دەڭگەيىمەن اۋىرعاندا وكپە 50 دەن %75 عا دەيىن زاقىمدانادى. بۇل جاعدايدا وكپەمەن قاتار جۇرەك، باۋىر، بۇيرەك، مي دا زاقىمدانادى. سوندىقتان مۇنداي پاتسيەنتتەردى ستاتسيوناردان شىققاننان كەيىن پۋلمونولوگ، كارديولوگ، گاستروەنتەرولوگ، نەفرولوگ، نيەۆروپاتولوگ جانە پسيحوتەراپيەۆت باقىلاۋعا الادى. وڭالتۋ شارالارى بارلىق زاقىمدانعان اعزالاردىڭ قىزمەتىن قالپىنا كەلتىرۋدى قوسا وتىرىپ، كەشەندى وتەدى. بۇل شارالار كەمىندە ءبىر جىل ۋاقىتتى الادى.
«ۆيرۋس ادامعا تىنىس الۋ جولدارى ارقىلى كىرەدى. اعزاداعى تىنىس الۋ جانە گاز الماسۋ قىزمەتىن وكپە جۇزەگە اسىرادى. سىرقاتتىڭ اۋىر بولعان جاعدايلارىندا ولار ءوزىنىڭ قىزمەتى مەن قاندى وتتەگىمەن قانىقتىرۋ قىزمەتىن جوعالتىپ، فۋنكتسيونالدىق جانە قۇرىلىمدىق وزگەرىستەرگە شالدىعادى. اۋىر ەنتىگۋ ميكرو- نەمەسە ماكروترومبوزعا اكەلەدى. سوندىقتان اۋرۋدىڭ كۇردەلى ءتۇرىن ەمدەۋ پاتسيەنتتىڭ كۇيىن، ستاتسيونار جاعدايىندا تەكسەرۋدىڭ مالىمەتتەرىن كۇن سايىن، كەيدە ءتىپتى ساعات سايىن باقىلاۋدى تالاپ ەتەدى. وكپەنىڭ جۇمىسىن قالپىنا كەلتىرۋ ءۇشىن يممۋندىق قابىنۋ مەن قاننىڭ قويۋلانۋىن ەمدەۋ قاجەت. قالپىنا كەلتىرۋ ءۇشىن ەمحانا دارىگەرى نەمەسە بەيىندى ماماننىڭ باقىلاۋىمەن ءدارى پرەپاراتتارى تاعايىندالادى»، - دەيدى عالىم.
ال مەديتسينا عىلىمدارىنىڭ دوكتورى، پروفەسسور، قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى، قازاقستاندىق رەپرودۋكتيۆتى مەديتسينا قاۋىمداستىعىنىڭ پرەزيدەنتى ۆياچەسلاۆ لوكشين كوروناۆيرۋسپەن اۋىرعان جاعدايدا قورقىنىشقا بوي الدىرماي ۆيرۋستان قورعايتىن قاجەتتى شارالاردى جىلدام قابىلداپ، ارەكەت ەتۋ كەرەكتىگىن ايتادى.
