بينيامين نەتانياحۋ يزرايلدە العاش بولىپ ۆاكسينا سالدىردى

ءىس- شارا جەرگىلىكتى بىرنەشە تەلەارنادا تىكەلەي ەفيردە كورسەتىلگەن. ەكپە سالعان دارىگەر: «بۇل يزرايلدە اۋزى اشىلعان العاشقى امپۋلا» دەپ مالىمدەدى.

بينيامين نەتانياحۋ، يزرايل پرەمەر- ءمينيسترى:

- بۇگىن يزرايل ءۇشىن وتە ماڭىزدى كۇن. ادامزات سوڭعى ءجۇز جىلدا كەزىككەن ەڭ اۋىر ىندەت جاعدايىندا ءومىر ءسۇرىپ وتىرعانىمىزعا ءبىر جىلداي بولىپ قالدى. ءبىز ميلليونداعان دوزا ۆاكسينا اكەلدىك. وسى ايدىڭ اياعىنا تامان تاعى بىرنەشە ميلليونىن اكەلەمىز. ۆاكسيناتسيادان ءبارى ءوتۋى كەرەك. دەنساۋلىق ساقتاۋ مينيسترىنەن العاشقى ۆاكتسينانى ماعان سالۋدى ءوتىندىم، وسىلايشا، ۇلگى كورسەتىپ، ەكپەنى ءاربىر ادام السا ەكەن دەيمىن.

الايدا نەتانياحۋدى ۇلگى ەمەس، پاراقور رەتىندە كورەتىندەر كوپ. ەلدە مىڭداعان ادامنىڭ نارازىلىق شەرۋى باسىلماي تۇر. ەرەۋىلشىلەر ۇكىمەت باسشىسىن قىزمەتىنەن كەتۋدى تالاپ ەتۋدە. ولار «پرەمەر- مينيستر كوروناۆيرۋس كەزىندە جەمقورلىقپەن اينالىستى، قىزمەتىن اسىرا پايدالاندى» دەپ ايىپتايدى.

ەستەرىڭىزگە سالا كەتەيىك، يزرايلدە بيلىككە قارسى شەرۋلەردىڭ ءوتىپ جاتقانىنا جارتى جىلدان اسىپ بارادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى