كانەلو گولوۆكينمەن ءۇشىنشى رەت جۇدىرىقتاسۋعا دايىن

«ۇزاق ۋاقىت كىدىرىس بولسا دا، بۇل جەكپە-جەككە دايىندىقتا تاماشا جۇمىس اتقاردىق. مەن رينگكە ورالىپ، وزىمنەن الىپ جىگىتتى جەڭگەنىمە باقىتتىمىن. ءيا، ول مىقتى بوكسشى، ءبىراق مەن ءبىرىنشى راۋندتا-اق ءوزىمنىڭ كىم ەكەنىمدى تانىتتىم. الەمدە ۇزدىك ەكەنىمدى دالەلدەدىم. ماعان 168 فۋنتتا شىققان ۇنادى. بۇل ديۆيزيوندا بەلدىكتەرگە قول جەتكىزگەنىم - مەنىڭ ۇزدىك ناتيجەلەرىمنىڭ ءبىرى. مەن مۇندا بەلدىكتەردىڭ باسىن قوسقىم كەلەدى، جاڭا جەكپە- جەكتەردى قالايمىن. بۇل - مەنىڭ ماقساتىم. بولاشاقتا گولوۆكينمەن ءۇشىنشى رەت ايقاسۋىم مۇمكىن بە؟ مەن تەك ۇزدىكتەرمەن جۇدىرىقتاسقىم كەلەدى. ەگەر بۇل جەكپە-جەكتى قابىلداۋ مۇمكىندىگى تۋسا، مەن ونى قابىلدايمىن. تەك ۇزدىكتەرمەن كەزدەسۋگە دايىن ەكەنىمدى كورسەتتىم»، - دەپ مالىمدەدى كانەلو.

ەسكە سالا كەتەيىك، «كانەلو» بريتاندىق كالۋم سميتتى جەڭىپ، WBA جانە WBC نۇسقالارى بويىنشا الەم چەمپيونى تيتۋلدارىن يەلەندى. 19 جەلتوقساندا قازاقستاندىق بوكسشى گەنناديي گولوۆكين (41-1-1، 36 كو) پولياك بوكسشىسى كاميل شەرەمەتانى (21-1، 5 ك و) جەڭگەننەن كەيىن «الۆارەس- سميت» ايقاسىنىڭ قاي جەڭگەنىمەن كەزدەسۋگە نيەتتى ەكەنىن بىلدىرگەن ەدى.

اۆتور: زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى