گەننادي گولوۆكيننىڭ سپورتتاعى ارمانى قانداي؟
سپورتشىنىڭ سوزىنە سەنسەك، ول وسى ايقاستى لايىقتى وتكىزىپ، جەڭىسكە جەتۋ ءۇشىن بار كۇشىن سالادى. ويتكەنى گولوۆكين ورتا سالماقتاعى الەم چەمپيونى اتاعىن جيىرما ءبىرىنشى مارتە قورعايىن دەپ وتىر. ال بۇل دەگەنىمىز - وسى ديۆيزيونداعى رەكورد.
«بۇل جەكپە-جەك - مەن ءۇشىن بوكس تاريحىندا ەلەۋلى ءىز قالدىرۋ مۇمكىندىگى. مەن وسى دەڭگەيگە جەتىپ، وسىنداي دارەجەگە كوتەرىلگەنىمدى ماقتان ەتەمىن. ەندى ماعان ۇزاق ۋاقىتتان بەرى ەشكىمنىڭ قولىنان كەلمەگەن رەكوردتى جاڭارتاتىن زور مۇمكىندىك تۋىپ تۇر. جاڭا رەكورد جاساۋ - ءار سپورتشى ءۇشىن ۇلكەن جەتىستىك. دەمەك، شىنىمەن دە ارمانىما جەتۋگە نەبارى ءبىر قادام قالىپ تۇر» دەپ اتاپ ءوتتى قازاقستاندىق بوكسشى.
گولوۆكيننىڭ ايتۋىنشا، ول ءوزىنىڭ قازىر قانداي جاعدايدا ەكەنىن جاقسى بىلەدى.
«ارينە، مەن ءوزىمنىڭ قازىرگى جاعدايىمدى تۇسىنەمىن. سوندىقتان وسى ايقاسقا بارىنشا بايىپپەن قاراپ، زور دايىندىقپەن كەلىپ وتىرمىن. مەن ءوزىمنىڭ بار شەبەرلىگىمدى سالىپ، جاقسى ويىن كورسەتۋگە تىرىسامىن. بۇرىننان ايتىپ جۇرگەنىمدەي، سىزدەر جۇما كۇنى Big Drama Show تاماشالايسىزدار» دەدى GGG باسپا ءسوز كونفەرەنتسياسىندا.
