ەۋرو وداقتا العاشقى ۆاكسينا جۋىق ارادا بەكىتىلۋى مۇمكىن

بۇل تۋرالى ەۋروكوميسسيا باسشىسى ۋرسۋلا فون دەر ليايەن مالىمدەدى. ەكپە بەكىتىلە سالىسىمەن حالىقتى جاپپاي ۆاكسيناتسيالاۋ دا باستالماق. قازىر وداقتىڭ ءدارى- دارمەك جونىندەگى اگەنتتىگى Pfizer مەن «بايونتەك» جانە «مودەرنا» كومپانيالارىنىڭ وتىنىشتەرىن قاراستىرۋدا.

جالپى ەۋرووداق ءتۇرلى كومپانيالاردان 1 ميللياردتان استام دوزا ساتىپ الۋعا كەلىسكەن. ال يندونەزيادا قىتايدىڭ Sinovac كومپانياسىنىڭ ۆاكسيناسىن سىناقتان وتكىزۋ تاعى 3 ايعا سوزىلاتىن بولدى. مۇنداي شەشىمدى وسى ەلدىڭ ازىق- تۇلىك پەن ءدارى- دارمەك ساپاسىن قاداعالاۋ اگەنتتىگى قابىلدادى. ەندى ناۋرىز ايىندا ەكپە سىناعىنا قاتىسۋشىلاردا قالىپتاسقان انتيدەنەنى ساراپتاۋ كوزدەلگەن.

ايتا كەتەيىك، بۇعان دەيىن يندونەزيانىڭ رەتتەۋشى ورگانى قاڭتار ايىنىڭ سوڭىنا دەيىن قىتايلىق ۆاكسينانى شۇعىل جاعدايدا قولدانۋعا رۇقسات بەرەدى دەپ شەشكەن ەدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى