ۇلى جىبەك جولى تۋرالى فيلم تۇسىرىلەدى

كورشى ەلدىڭ ماماندارى «قازاق فيلم» كينوستۋدياسىنا ۇسىنىس جاساعان. جاقىندا قوس ەلدىڭ دوستىعى تۋرالى كوركەم فيلمنىڭ ءتۇسىرىلىمىن اياقتادى. «ميراس» دەپ اتالاتىن تۋىندى باۋىرلاس ەكى جۇرتتىڭ ەجەلدەن تۋىسقاندىعىن، بەرىك بايلانىسىن ءھام دوستىعىن باياندايدى.

«ياساۋي تاريقاتى»، ياعني قوجا احمەت نەگىزىن سالعان ءدىني- سوپىلىق مەكتەپتىڭ رۋحاني قۇندىلىقتارىن دا بەينەلەيدى. كينوكارتينا الداعى جىلدىڭ باسىندا كورەرمەنگە جول تارتادى. ال جاڭا تاريحي فيلمنىڭ ءتۇسىرىلىمى 2021 -جىلى باستالادى.

ەلدار يۋلداشيەۆ، «وزبەك كينو» ۇلتتىق اگەنتتىگىنىڭ اپپارات باسشىسى:

- ۇلى جىبەك جولى - بۇل ەكى حالىققا ورتاق مۇرا. ويتكەنى كەرۋەن جولدارى قازاقستان جانە وزبەكستان ارقىلى وتكەن. قازىر ءبىز وسى فيلمدى ءتۇسىرۋ ءۇشىن ارىپتەستەر ىزدەپ جاتىرمىز. جالپى ءبىز قازاقستانمەن ىنتىماقتاستىعىمىزدى كەڭەيتۋگە مۇددەلىمىز. جاقىندا ءبىز «قازاقفيلم» كينوستۋدياسى وكىلدەرىمەن ونلاين كەزدەسۋ وتكىزىپ، مۋلتيپليكاتسيالىق، دەرەكتى جانە كوركەم فيلمدەر بويىنشا اراداعى قارىم- قاتىناستى نىعايتۋعا كەلىستىك.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى