گەننادي گولوۆكين قازاقستاندىقتاردى تاۋەلسىزدىك كۇنىمەن قۇتتىقتادى
قۇتتىقتاۋدى بوكسشى Facebook-پاراقشاسىندا ۆيدەو رەتىندە جاريالادى. ۆيدەودا بوكسشىنىڭ قازاقستاننىڭ مەملەكەتتىك تۋىن جەلبىرەتىپ، شارشى الاڭعا شىققان ساتتەرى كورسەتىلگەن.
قازاقستان رەسپۋبليكاسى ءوز تاۋەلسىزدىگىن جاريالاپ، دەربەس مەملەكەت اتانعانىنا بۇگىن 29 جىل تولىپ وتىر. قازاقستان تاۋەلسىزدىك العالى بەرى حالىق ىنتىماقتاسىپ، جالپىۇلتتىق، ۇلتارالىق بىرلىكتى نىعايتۋعا، رۋحاني- مادەني جاڭعىرۋعا بەت بۇردى. قىسقا مەرزىمدە تاۋەلسىز رەسپۋبليكامىز سوۆەت يمپەرياسىنان مۇرا بولىپ قالعان كوپتەگەن وتكىر دە وزەكتى ماسەلەلەردىڭ شەشىمىن تاۋىپ، ساياسي، ەكونوميكالىق جانە الەۋمەتتىك- مادەني سالالارعا دا رەفورمالار جۇرگىزىلدى. بۇگىن دە قازاقستان ەكونوميكاسى دامىعان، بىرنەشە حالىقارالىق ۇيىمداردىڭ مۇشەسى، الەمدىك ساحنادا وزىندىك ىقپالى بار مەملەكەتكە اينالدى.
