بىرنەشە وڭىردە «ادال» پارتياسىنىڭ وكىلدەرى كەزدەسۋلەر وتكىزدى
پاۆلودار وبلىسى شىدەرتى اۋىلىندا بولعان ولجاس وردابايەۆ پەن اقمارال بەكمىرزايەۆا باعدارلامانىڭ نەگىزگى تارماقتارىن كورسەتىپ، پارتيانىڭ جالپى يدەولوگياسى مەن قۇندىلىقتارى تۋرالى ءسوز قوزعادى. اۋىل تۇرعىندارى ناۋقاستاردىڭ ءدارى- دارمەكپەن ۋاقىتىلى قامتاماسىز ەتىلمەۋى، سونداي- اق جايىلىمدىق جەردىڭ جوقتىعى سىندى بىرنەشە ماسەلەمەن شاعىمداندى. سونىمەن قاتار، اتالعان وبلىستاعى اقسۋ قالاسىنىڭ تۇرعىندارى ءبىلىم ساپاسىن ارتتىرۋ جانە كاسىپتىك باعدار بەرۋدە كومەك كورسەتۋ ماسەلەلەرىن كوتەردى.
ۇمىتكەرلەر سايتتا ستۋدەنتتەرگە بىلىمدەرىن تەكسەرۋگە جانە ۋنيۆەرسيتەت تاڭداۋ تۋرالى شەشىم قابىلداۋعا كومەكتەسەتىن قىزمەت بار ەكەنىن ايتتى. ودان ءارى كەزدەسۋ كوكتوبە اۋىلىندا جالعاستى. سونداي- اق، پارتيا باعدارلاماسىن بەلسەندى تالقىلاۋ بولدى. كەزدەسۋلەر سوڭىندا دەپۋتاتتىققا كانديداتتار ءار ازاماتتىڭ پىكىرى، ونىڭ وتىنىشتەرى پارتيا ءۇشىن ماڭىزدى ەكەنىن باسا ايتتى. وسىنىڭ ارقاسىندا مىندەتتەر قالىپتاسادى جانە ولاردى شەشۋ تەتىكتەرى تۇزىلەدى.
الماتى وبلىسىندا دەپۋتاتتىققا كانديدات لاززات شىڭعىسبايەۆانىڭ حالىقپەن كەزدەسۋلەرى جالعاستى. ول تۇيمەبايەۆ اۋىلىنىڭ اشىبۇلاق اۋىلدىق وكرۋگىندە شەگە شىعاراتىن زاۋىت جۇمىسشىلارىمەن كەزدەسىپ، وتەگەن باتىر جانە قاپشاعاي قالاسىنىڭ تۇرعىندارىمەن اڭگىمەلەستى. شىمكەنت قالاسىندا جەرگىلىكتى تۇرعىندارمەن كەزدەسۋ ءوتتى، وعان «ADAL» پارتياسىنان ق ر پارلامەنتى ماجىلىسىنە دەپۋتاتتىققا كانديداتتار ماقسات تولىقباي مەن الماسبەك سادىربايەۆ قاتىستى. فەرمەرلەرمەن كەزدەسۋ بارىسىندا الماسبەك سادىربايەۆ ا و ك پەن بيزنەستى قولداۋ شارالارى تۋرالى ايتىپ بەردى. ارداق نازاروۆ جامبىل وبلىسىنىڭ تاراز قالاسىندا كەزدەسۋلەر وتكىزدى.
اۆتور: بالنۇر قوجاگەلدى
