وسكەمەندە كارىز قۇدىعىنا ءتۇسىپ كەتكەن ايەل تابىلدى
وقيعا 12-جەلتوقساندا كەشكى ۋاقىتتا بولعان. اشىق قۇدىققا ءتۇسىپ كەتكەن ايەل 3 ساعات بويى شىعا المادى.
«ۇيدە وتىرعانىمىزدا ايقايلاعان داۋىستى ەستىپ قالدىق. سىرتقا شىققانىمىزدا بۇل داۋىس قۇدىقتىڭ ىشىنەن ەستىلدى. لەزدە كورشىمە قوڭىراۋ شالدىم. ول ۇزىن باسپالداق اكەلىپ ايەلدى سىرتقا الىپ شىقتى»، - دەيدى كۋزنەچنايا كوشەسىنىڭ تۇرعىنى يۋليا شەرەمەتيەۆا. ال قۇدىقتا قالىپ قويعان تۇرعىن قۇلاعان كەزدە قالتاسىنان تەلەفونىن ءتۇسىرىپ العانىن ايتتى.
«تەرەڭ قۇدىقتان ءوز بەتىممەن شىعا المادىم. قانشا ايقايلاسام دا ەشكىم كومەككە كەلمەدى. سول ماڭايدان ءوتىپ بارا جاتقان كەي ادامدار ءتىپتى توقتامادى دا. نەگىزىنەن بۇل قۇدىق كوكتەمنەن بەرى اشىق تۇرعان»، - دەيدى ول.
قالالىق تۇرعىن ءۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ مالىمەتىنشە، كۋزنەچنايا كوشەسىندەگى ليۋكتەردى مەردىگەر كومپانيا 2020 -جىلدىڭ جازىندا ورناتقان.
«ليۋكتىڭ قاقپاعىن بىرەۋ ۇرلاپ كەتتى. ونىڭ بەتىن جابۋ ءۇشىن تەز ارادا ءتيىستى شارالار قابىلدانادى» دەپ حابارلادى ءبولىم ماماندارى.
فوتو: yk-news.kz
اۆتور: تالعاتجان مۇحامەتبەك ۇلى
