الاياقتىق ارقىلى ازاماتتاردىڭ دەربەس دەرەكتەرىن ۇرلاۋ فاكتىلەرى جيىلەپ كەتتى – ءى ءى م

«قازاقستاندا جاسالاتىن قىلمىستىڭ 10 پايىزدان استامى - الاياقتىق. تەحنولوگيانىڭ دامۋىنا بايلانىستى ازاماتتاردى الداۋدىڭ ادىستەرى كۇن ساناپ وسۋدە. سوڭعى ۋاقىتتا ينتەرنەت رەسۋرستاردا جاريالانعان حابارلاندىرۋلاردى پايدالانا وتىرىپ، ازاماتتاردىڭ دەربەس دەرەكتەرىن يەلەنۋ جاعدايلارى جيىلەپ كەتتى»، - دەدى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز ونلاين وتكەن باسپا ءسوز ءماسليحاتىندا.

سونداي-اق، مينيسترلىكتىڭ رەسمي وكىلى الاياقتار ءوز ارەكەتىن قالاي جۇزەگە اسىراتىنىن ايتتى. «الاياقتار ازاماتتار جاريالاعان حابارلاندىرۋلارعا قوڭىراۋ شالىپ نەمەسە حابارلاما جولداپ، تاۋاردى ساتىپ العىسى كەلەتىنىن جانە ساتۋشىنىڭ بانك كارتاسىنا كەپىلزات الۋدى ۇسىنادى. بانك اۋدارىمىن راستاۋ ءۇشىن الاياقتار ساتۋشىعا «فيشينگ» سىلتەمەسىن جىبەرىپ، ونى تولتىرۋدى سۇرايدى. سىلتەمە ءىس جۇزىندە ازاماتتاردىڭ كارتوچكا شوتى تۋرالى اقپارات جيناۋعا ارنالعان. وسى دەرەكتەردى العاننان كەيىن الاياقتار جابىرلەنۋشىلەردىڭ بانك شوتىنان اقشا ۇرلايدى»، - دەيدى ول.

ءى ءى م تاراتقان اقپاراتقا سايكەس، 11 ايدا ينتەرنەت الاياقتىققا قاتىستى 12 مىڭعا جۋىق ءىس تىركەلگەن.

«ونىڭ 5 مىڭعا جۋىعى الاياقتاردىڭ ينتەرنەت- ساۋدا الاڭدارى مەن سايتتا جاريالانعان حابارلاندىرۋى بويىنشا جوق تاۋارلار نەمەسە قىزمەتتەر ءۇشىن تولىق نەمەسە ءىشىنارا تولەم جاساۋ فاكتىلەرى بويىنشا قوزعالدى. 2,7 مىڭعا جۋىق الاياقتىق ونلاين كرەديت راسىمدەي وتىرىپ، ازاماتتاردىڭ دەربەس دەرەكتەرىن يەلەنۋگە بايلانىستى بولدى. 1,5 مىڭنان استام الاياقتىق ازاماتتاردىڭ جەكە دەرەكتەرى مەن كارتوچكالىق شوتىنىڭ دەرەكتەمەلەرىن يەمدەنىپ، ءموبيلدى بانكينگ ارقىلى اقشا ۇرلاۋ ارقىلى جاسالعان»، - دەيدى ءى ءى م رەسمي وكىلى.

اۆتور: ءالي يبرايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى