جۇكتى ايەلدەر كارانتين شارالارىن ەكى ەسە كوبىرەك ۇستانۋى كەرەك - دارىگەر كەڭەسى

«جۇكتى ايەل ءوزىنىڭ عانا ەمەس، بالانىڭ دا دەنساۋلىعىنا جاۋاپتى ەكەنىن ەستە ساقتاۋى ءتيىس. سوندىقتان، جۇكتى ايەلدەر كارانتين شارالارىن ەكى ەسە كوپ ساقتاۋى كەرەك. ولار ادام كوپ جەردەن اۋلاق بولۋعا، قوعامدىق كولىكتى پايدالانباۋعا، سۋپەرماركەتتەرگە بارماۋعا تىرىسۋى ءتيىس. ەلىمىزدە 6 مىڭنان استام جۇكتى ايەل كوروناۆيرۋسپەن اۋىردى. ءبىراق ۆيرۋستىڭ بالاعا بەرىلمەيتىنىن اتاپ وتكەن ءجون. الەم بويىنشا بالالاردىڭ %99 دەنى ساۋ بولىپ تۋعان»، - دەيدى ۆ. لوكشين.

الايدا، اناسى گيگيەنانى ساقتاماسا، بالا ومىرگە كەلگەن سوڭ 1-2 كۇندە اۋىرىپ قالۋى مۇمكىن. «جۇكتىلىكتىڭ العاشقى اپتالارىنا ۆيرۋستىڭ قالاي اسەر ەتەتىنىن ناقتى بىلمەيمىز. العاشقى جۇقتىرۋ جاعدايلارى اقپان- ناۋرىز ايلارىندا تىركەلدى، ازىرگە ەش اقپارات جوق. ءبىراق كوروناۆيرۋس ينفەكسياسى كەزىندە ۇرىقتىڭ قاتىپ قالۋى، تۇسىك تاستاۋ جاعدايلارى بولعانىن بىلەمىز. بالكىم كوروناۆيرۋس سالدارىنان بولعان شىعار. جۇكتى ايەلدەردە وكپەنىڭ قابىنۋى اۋىر تۇردە وتەدى. ال كوروناۆيرۋستىڭ وزگە ادامدارمەن شامالاس وتەتىنىن تاجىريبە كورسەتتى.

ءبىراق كوروناۆيرۋستىڭ جاناما اسەرى دەگەن تۇسىنىك بار. اۋرۋ جۇقتىرعاندار سانى كۇرت كوبەيگەندە، كوپتەگەن كلينيكالار جابىلدى جانە بارلىق ايەلدەردى قابىلداپ ۇلگەرمەدى. سوندا كوروناۆيرۋسپەن ەمەس، اكۋشەرلىك پاتولوگيامەن بايلانىستى اسقىنۋلار كوپ تىركەلىپ، بيىل قازاقستاندا انا ءولىمى كوبەيدى. ۆيرۋس تۋرالى مالىمەت از بولعاندا، جاس وتباسىلارعا جۇكتىلىكتى پاندەميا اياقتالعانشا كەيىنگە قالدىرۋدى ايتاتىنمىن. ياعني، ينفەكسيا قاۋپىنەن مۇقيات قورعانۋ قاجەتتىگىن ۇمىتپاۋ كەرەك»، - دەيدى پروفەسسور.

ونىڭ سوزىنە قاراعاندا، جۇكتى ايەلدەر ءۇشىن دە، باسقالار ءۇشىن دە تاعام قۇرامىندا دارۋمەندەر بولۋى كەرەك. جەمىستەر مەن كوكونىستەردى كوبىرەك تۇتىنعان ءجون.

«اسىرەسە، ديابەتپەن اۋىراتىن ناۋقاستار مايلى، ءتاتتى، ۇننان جاسالعان تاعامداردى كوپ جەمەۋى قاجەت. ولار ۆيرۋس ءۇشىن جاقسى ورتا جاسايدى. نەلىكتەن ديابەتپەن اۋىراتىندار ينفەكسياعا بەيىم كەلەدى؟ قانت ديابەتى كەزىندە يممۋنيتەت تومەندەيدى، ۆيرۋستىڭ تەز كوبەيۋ مۇمكىندىگى بولادى. گيپەرتونيا، سەمىزدىكپەن اۋىراتىن ناۋقاستاردا دا كوروناۆيرۋس اۋىر وتەدى. ولاردىڭ اراسىندا ءولىم- ءجىتىم سانى وتە جوعارى»، - دەپ قورىتىندىلادى ۆياچەسلاۆ لوكشين.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى