رەسەيدە ىندەتپەن كۇرەستەن كۇيزەلگەندەر جىلقى تەراپياسىمەن ەمدەلىپ ءجۇر
قازىر بۇكىل الەمدە مەديتسينا قىزمەتكەرلەرىنىڭ جۇمىسى قاۋىرت ەكەنى دە تۇسىنىكتى.
اۋرۋحانادا كوروناۆيرۋس جۇقتىرعان ناۋقاستار ءالى دە كوپ. ۇيدە ەمدەلىپ جاتقاندار دا جەتەرلىك. كوبىنە دارىگەرلەر كومەكتەسسە، كەي ساتتەردە ەرىكتىلەر دە جاردەمدەسىپ ءجۇر.
ولار ءوز جۇمىستارىنىڭ قيىن ەكەنىن ايتىپ، جۇيكە توزىپ، قاتتى شارشادىق دەيدى. وسى رەتتە رەسەيدە جىلقى تەراپياسى باعدارلاماسى ىسكە قوسىلدى. ول كوۆيد- ناۋقاستارعا كۇتىم كورسەتكەن مەديتسينا قىزمەتكەرلەرى مەن ۆولونتەرلەرگە ارنالعان. باعدارلاماعا ساي اتقا ءمىنۋ تەگىن.
ازىرشە 100-گە جۋىق ادام نيەت بىلدىرگەن. اتپەن سەرۋەندەگەندەر جىلقى تەراپياسىنىڭ كۇيزەلىستەن ارىلۋعا كوپ كومەگى تيگەنىن ايتادى.
«باعدارلاماعا قاتىسىپ جاتقان ۆولونتەرلەر كوروناۆيرۋس جۇقتىرعان قارت كىسىلەرگە جانە ءوزىن- ءوزى وقشاۋلاۋعا ءماجبۇر بولعان تۇرعىندارعا كومەك كورسەتكەن. ارينە بۇل ادامنىڭ ەموتسيونالدىق جاعدايىنا اسەر ەتپەي قويمايدى. سوندىقتان ۆولونتەرلەر مەن مەديتسينا قىزمەتكەرلەرىنە ارناپ وسىنداي باعدارلامانى قولعا الدىق. جىلقى تەراپياسىنان كەيىن قاتىسۋشىلارىمىز كوڭىل- كۇيىنىڭ جاقسارعانىن ايتادى»، - دەيدى پسيحولوگ ولگا كريۆوزۋبوۆا.
